唔見左隻牙

今朝起身見到亞B嚮地下望住我, 我就習慣式伸隻手出去,佢就會行過唻叫我早晨, 點知一望~~~呀~~~點解冇左隻牙既??????

以為自己未瞓醒眼花, 再望實亞B嗌~~~呀~~~真係冇左隻牙呀!!!!!

即刻彈起身問清楚, 左查右查, 真係冇左呀... 我既反應嚇到亞B唔識反應, 淨係望住我!!!

 係咪呀!! 右邊下面隻長牙仔唔見左呀!

 左邊哩隻仲嚮度架!!!

我即刻牙都唔刷, 面都唔洗去掃地... 攪佢張床...攪佢個廁所...攪佢食飯既地方...攪佢隻碗...搵唔到呀! 死啦, 係咪食野果陣吞鬼埋落肚呀... 會唔會痾得番出唻架!!!!

我攪左佢同問左佢好耐, 佢既答案係 :

 冇心機呀, 唔好攪我啦!!!!

我明明記得前二晚同佢傾計果陣, 隻牙仲嚮度架!

佢係咪開始甩牙喇, 佢之前已經剝左5隻, 依家又冇多一隻, 咁係咪要開始食"軟飯"喇????