港燦

　　今天（9月13日）帶媽媽「遊車河」，乘東鐵、西鐵、巴士等，由新界東到新界西回到新界東再到新界西然後到九龍西到九龍南再回到新界東，繞了一圈。第一個目的地是落馬洲站，我和媽媽在月台看過風景，然後打算出閘，乘巴士、小巴之類去元朗。在閘口向九鐵職員問路。

我　　　：唔該，請問呢度有冇巴士或者小巴去元朗？
男職員　：（有點詫異）有，有小巴去元朗。
我　　　：咁係邊度搭？
男職員　：（仍然詫異）呢邊搭唔到個喎，要係深圳果邊過關返蒞至去得到個站架。
我　　　：（更詫異）下？係咩？
女職員　：係呀，蒞得呢度都係要過關架啦。
我　　　：但係我冇回鄉證個喎。
男女職員：（非常詫異）下？咁可能要同警察講喎。
我　　　：（下？咁大鑊？）我諗住同阿媽蒞參觀下啫……可唔可以返番上月台搭車返上水？
男職員　：咁唔得個喎，因為呢度係邊境車站，淨係可以單向行。好似羅湖咁。
我　　　：我冇去過羅湖喎。
女職員　：（極詫異，以為我玩野咁款）咁牙，咁一係俾你上番去搭火車啦，不過冇下次架啦。