卒之考完第一個試

　　卒之考完第一個試！好攰！

　　前幾日趕功課，都冇溫過新聞翻譯咁滯。所以今日（21號）下晝請左半日假，早尐去到學校，諗住溫下書，臨急抱佛腳。去到學校，見到兩個同學仔已經係度溫緊書，真係大家心思一般高，最好的配合，百戰百勝，百戰百勝……（唔覺意唱左歌添，如果識得呢首歌，年紀都唔輕……唔知你識唔識呢？）

　　大家溫下溫下，唔覺唔覺就夠鐘考試。入到課室，真係有尐緊張，話晒正式讀書考試，都成十幾年未試過。我右手手腕有勞損，係三個鐘入面不停咁寫，寫到好痛。好彩試卷唔算深，OK啦，合格冇問題。

　　但係，第一個試考完，星期六另一科又要present，不過未做；返到公司，重有好多野未做，做完呢樣，重有千千萬萬樣……

　　睇蒞我要認真儲下錢，準備適當時候辭工休息下、畀多尐時間讀書兼陪下屋企人。