網誌分類：遊雲世界 |
圖片
網誌日期：2008-04-14 22:16
:: Day 2 ::
Massage @ DHC
食完好味意大利lunch+tea, 就要去找尋我的massage, 點解話"我的"呢
因為我既travel partner係唔做按摩的!! 
於是我就在Siam Paragon裡找找, 原本打算去Shiseido的Qi, 在香港做一次按摩是十分貴的, 真的很想試試。
但在舖前看了又看, 又不敢入... 之後看見對面有DHC, 又好似有massage做, 看了一看, 便有一個sales出來講解... 
當然, 永遠都是主動的sales就一定成功架啦, 其實價錢亦很相宜, 只是B$1900便可以有1.5hrs既massage, 全程用DHC的Olive Oil做, 仲要有個咁大既shopping mall比條阿毛等我, 真好呀!!
做完個舒服療程, 有一個full-set既化妝counter等你埋去執番好個樣先出去, 真係好滿足呀!!
haha... 咁呢條阿毛就好殘忍咁比人揼係條街度等咗個半鐘喇... 
建興酒家
做完massage差足電, 再shopping一吓, 
係時候又食dinner喇! 跟據我地既行程, 今晚係食咖喱蟹!! 決定去建興酒家一試, 上網Newsgroup人話的士司機會帶你去間假既建興, 食到你嘔
... 咁上建興酒家既網頁睇, 又好似幾易去, 於是就膽粗粗搭BTS再行去喇.
過程就真係唔想再提, 我地好似電波少女咁行咗好多條黑漆漆既街道, 先至好辛苦咁去到, 成個DHC massage化為烏有呀! 
咁坐低叫菜啦, 個餐牌ok靚呀, 心諗咁難先來到, 應該好好味啦... 不過, 可能希望越大失望越大, 個咖喱蟹食第一舊都ok好味, 第二舊就已經凍晒... 
跟住再加上一個普通的炒通菜and食極都有既炸蝦丸, um... 如果100分滿分, 有70分啦.
Welcome Drink...
有一個好痛苦既路程, 梗係飛的士返酒店啦, 
上去hea一吓就落了去酒店個bar飲我地既welcome drink喇! 一入去, 比張coupons個姐姐啦, 以為佢會歪面...點知, 好客氣咁問我地飲咩, 我以後都係得個d咩juice, fruit punch.. 點知佢答: whiskey, beer... whatever you like.. 
咁我個partner就點了個滴汗既hot chocolate
...我就要了一個beer. 
坐咗一陣就知道點解whatever you like喇, 因為間bar係無人入去架!!!!!
Con't ... I Love Thai ... 3
