31 October 2009

31 October 2009

萬聖節，有咩做？

先去左新開 o既 1881 Heritage 參觀。正所謂，「新 XX，三日香」。新商場當然吸引左好多人 o黎，亦因為呢度保留左唔少靚景，所有有唔少準新人同準畢業生突登 o黎到影相。

朋友係雜誌見到商場內 o既 DG Cafe 有一個 Afternoon Tea Set 頗吸引，提議去試。





食物就只得眼見呢兩碟仔，加埋兩杯飲野，索價 $160，認真唔抵食兼唔係好食。加上店內氣氛一般，窗外靚景欠奉。總結，食物環境均欠，如無意外，絕無下次。




之後係尖沙咀行左一陣，就搭車去 Mega Box。是日晚餐係八番拉麵 o既拉麵火鍋。快餐價錢，但比晏晝食 o既 Afternoon Tea Set 感覺更好。




食飽就過去國際展貿中心，欣賞今日 o既主菜─ 「劉美君蝙蝠之夜音樂會」。呢個音樂會，其實就似係新碟 o既發佈會，只要買新碟時加多三十蚊就有得睇。會場細小 o既關係，我地同舞台距離好近，通通鐘仲近過紅館四百八十蚊飛，哈哈~

事前已知道係一個新碟發佈會，故一早將新碟煲熟先入場，免得聽聽下瞓著左就失禮啦。  但好意外係，佢竟然係今次音樂會揀左三首舊 o既 side track o黎唱，我隔離位朋友一聽音樂起就興奮尖叫，果然係 fans。我雖然係第一次聽呢三首 side track，但都覺得幾好聽，唔怪得好多 fans 都想佢係上次演唱會唱啦。







另外，同場亦有實力派女新人麥家瑜表現。佢有幾實力，睇相就知。



之後，仲有近期大熱 o既 Mr. 唱左《Everyone》同《如果我是陳奕迅》。聽聞佢地出年都會係紅館開演唱會，果然當紮。



音樂會後，我地去左 APM 唱通頂 K，yeah~~ 之後食埋早餐先搭車返屋企，今個萬聖節過得真豐富~~