夏の初11天東京之旅[預備篇]

還有不足兩星期，我就會出發到東京了．．．想起都興奮！
今次為期11天的行程都攪掂得八八九九了！機票，酒店亦巳辦妥！

今次真係等咗好耐好耐呀！由上年巳經plan定今次的計劃！對上一次到東京都巳經是2006的事，實在太掛住東京呀，所以今次既行程一定是最perfect既！而且真是好enjoy準備的全個過程，所以一定要好好記低佢！由於準備的時間實在太多，所以各方面都巳經完全掌握了，十分熟悉！所以有理由相信我今次的旅程將會十分豐富以及難忘！嘻！

今次11天的行程地點包括：新宿，原宿，南青山，premium outlets,涉谷，下北沢，銀座，有樂町，中目黑，代官山，麻布十番，自由之丘，六本木，池袋，
築地，淺草，台場，sanrio puroland,上野！
至於d 食肆, shopping details 番來才upload上黎慢慢講啦！
一定一定會好多好多！哈！

有好多人都問，點解去咁多日唔去埋大板？？？
因為我呢個trip唔想走馬看燈咁，而且去東京＋大板邊可以去到我而家咁多個地方呀？又要拖住d行李撲來撲去！其實每個地方都係需要時間慢慢去行去睇下先有樂趣嘛，何必要攪到自己咁急咁趕呢！？
亦有人問，點解無浸溫泉，去迪士尼等？？？
浸溫泉對於我個人黎講無乜興趣，亦都浸過，至於迪迪尼都去過喇，唔想再去，
至於富士急，都去過喇，加上而家年紀大心血少，無膽量挑戰十級驚慌既過山車！
哈！

未到日本大出血之前，巳經喺香港出咗好多血去for呢個trip!嘻～～～～

呢個hellomimi既喼真係好抵，一大一細加埋都只需$900幾！
我本身有一個mimi實在太細，去jp無大喼點成事呀，所以睇啱就即買！嘻！
（購於sogo)


跟住．．．去trip點少得影相呢！要影相又點可以缺少一部靚相機呢！嘻！
於是一早買咗部新出既 sony T300!我好鍾意佢mon大，而且外型美觀
function又多！對於我呢啲唔係pro既影相者黎講，又要靚又要實用，
呢D DC 仔就最啱我！到時仲會帶備兩三張幾g咭過去，一定夠洗，哈！

(係咪想提我帶定個插頭過去叉電呢？嘻～～我知啦！日本用二平腳插頭
架嘛！嘻！）



跟住最重要，而且係我多個月既心血，[行程表]！
做晒功課架，讀書都無咁勤力呀真係！嘻！無嘢叻，食玩買瞓就最叻！嘻！

唔好以為我得一個[行程表]就咀刁刁！哈！哈！
睇下～我做埋NOTES架！呢D係我搜集咗千千萬萬資料係自己必去地方既
重點！仲要分好類，每個地方做一份！好整齊！廢事去到先唗時間慢慢睇，
慢慢搵啦！

聰明既朋友都知道，日本好多食肆係有用coupon既，上網download就可以喇！
呢張係'無敵家'既coupon！嘻！附送溫泉蛋一隻！
不過我都係print定出黎，因為未必會去無敵家！佢只係喺我既waiting list!hahaa~


仲有，點少得'戰機'一部，就係hellomimi計數機！嘻！
我數口精，但未必準嘛，尤其去到D shopping 熱點，見到琳瑯滿目
既衣服，手袋，精品等等等等．．．人唔亂心都亂啦，仲邊有咁清醒慢慢
心算呀，梗係'咁咁咁咁咁’好過啦！留番啲精神揀吓買邊樣仲好啦！嘻！



咁啱得咁橋，今期東touch又送咗本原宿版圖喎！
真係十分啱用！列好晒啲shop地址，路線，十分清淅！一目了然！

呢本小册子真係幾好，圖文並茂好清楚！
又寫埋每間shop d history 出黎！實在是一間都不能miss!hahaha!


順便去埋申請張hellomimi credit card！帶埋去 jp!靚靚嘛！
不過我知會用唔著，嘻，所以都係貪得意！嘻！

有個得意mimi大銀包仔送，等我用佢黎裝住D Yen先！
攞出黎比錢好 kawaii 呢！嘻！