[Day 5 - 25 May] (自由之丘)

黎到第5日,星期日,去完代官山,中目黑,再黎到自由之丘!

鍾意蛋糕的朋友黎到呢度梗係唔會放過sweet forest 啦!
之但係日本太多地方都有好的蛋糕食,所以都唔一定要黎呢度既!
不過我未黎過就黎吓啦!


一去到見到人來人往啊,仲有啲日本同法國的國旗隨處掛添,
究竟發生什麼事呢?有甚麼大function呢?


有間生果店,有齊各式各樣的生果!好鍾意影生果架我,嘻!



法國國旗啊!睇真啲.....仲見到........marie claire．．．．．．




見到好多好多賣小食的小攤擋，好熱鬧啊！
原來係 marie claire festival 2008!咁即係又有好嘢食啦!嘻!



yeah~~~~ 咁多人既? 呢檔係賣一杯一杯的香擯!

每隻香擯都有來頭既!我地都有買黎飲啊!

買咗呢一支黎飲吓! hmmmm......酒我都okay架,
但係都會覺得呢一隻都麻麻地!





有焼鳥串焼!都只係$100円!

好多嘢食,不過飽飽食唔到咁多!
呢檔賣抄雞肉加chips!

仲有我的最愛,大大元貝,好好味!又大隻,都只係$200円!
飽都要食啦!

幾大隻,仲好好味添!好新鮮架!
買咗之後就坐低喺附近坐位度賣賣食,好寫意啊~~~~~~~~~~~

見到呢個爆谷咁得意,又買黎食吓!




個姐姐幾靚女..賣腸腸架!好似好好味咁,好想食架,但係真係好飽啊!



呢間賣kimchi既,等等!無乜興趣啦!

不同味道的蛋卷!好想試吓,但係..........真係食唔落!可惜!



睇吓幾熱鬧?呢張相係喺afternoon tea 二樓影落去架!



去旅行最鍾意就係遇到呢啲咁得意既嘢!特別啲嘛!






喺到咗步自由之丘既時候,行過見到有架車仔賣梗北海道蜜瓜包!
仲有好多人排隊添!咁我梗係排埋一份啦!

日本人排得既隊一定係有好嘢~~~~~~~所以我都好放心咁排!

新鮮爐起架~~~~~~



咁大個又新鮮都只係賣 $150円一個!抵到爛啊!






呢個就係去日本一定要食,尤其係新鮮出爐的北海道夕張蜜瓜包!
$150円大大個!



非常熱辣辣,香噴噴~~~~~~~~~~~~~~~~~~~~~~~~~~~~~~~~~~~~~~~~~~~
一啖咬落去,非常軟熟!又香又軟.....唔好以為個包真係好大,
因為好軟熟一啖咬落去巳經"bin"咗好多,所以好快食晒!
飽都食得晒!放心!哈!



食完個包包, 行完個festival,就去咗行afternoon tea!






呢係係grand的afternoon tea!
係我黎日本必行的shopping熱點!佢個網址啲product巳經好靚!
好想快啲去睇[真身]!

其實都想個呢啲保濕機,喺[台場]的frank frank巳經好想好想買一個,
但係......finally都係放棄咗!

因為夏天屋企成日開冷気,吹到塊面乾晒,好想買部保濕機黎保護吓皮膚!
但係間房巳經插住好多電気........ 又呢樣,又嗰樣,所以都係算啦!
遲啲喺香港買到啱先再諗啦!

個海棉都咁靚,買咗都唔捨得用啦!

店內有日本製及中國製!小心選擇!
呢set嘢係日本製既!都想好買,但係同類的東西實在有很多!
唔想浪費啊!

香蕉型的tray,係for 小朋友可以帶隻蕉番學校食!
當然大人都可以用啦!哈..好得意!

但係前幾日比我喺千色店見到有得賣喎!

afternoon tea 就係專賣好多home accessories, 尤其係廚具用品,
made in japan, 獨家專利, 所以貴少少,但係非常精緻!



有tea食架呢度,千幾円一份tea set!都okay既!
不過好飽啊,下次可以試吓!

行完afternoon tea, 係時候再去look吓sweet forest 那邊嘞!

見到呢間非常精緻的chocolate shop, 店肉禁止影相, 所以靜靜雞喺門口影番張咋!

喺sweet forest 留下有間supermarket!緊係入去八吓啦,嘻!
啲嘢好平喎!咁多嘢食都係$100円一支!



strawberry! 巨峰提子!



仲有我好想好想買黎食的腸腸,一本都係$120円,五本$550円!
平到爆啊~~~~~~~~ !
但係個肚仔真係裝唔落啊! 好可憐啊~~~~~~~~ 有得睇無得食! ^-^"



仲有弁當!都好平!



其實,我最最最最想買呢一樣, 係煮食用牛油, 好靚啊!
meji 架 400g 都只係 $198円!10幾蚊港紙一件咋咋咋咋咋~~~~~~~~~~~
無得買好可憐喔~~~~~~~~~~~~~~~~~~~ ~~"



行完個supermarket! 就行埋上去sweet forest 嘞!







喺呢度影咗唔多相, 因為都多人!而且我覺得無乜特別喔!有少少失望!
幾咗無5分鐘就可以出番去!

呢度分四個season!春夏秋冬!但係...............都.....唔覺得特別浪漫喎!



呢個ice-cream唔知好唔好味呢!我乜都無食啊!



日本人至愛! 蛋白餅!  我唔鍾意, 因為中間超甜!

有朱古力店!



有好多蛋糕!一件都無食,無買!





跟住去呢間就係香港整餅的朋友好鍾意的 cuoca shop!
其實係貴同埋無乜特別,都係賣嗰啲嘢,而且款少,裡面又熱,
因為有幾部焗爐係度焗梗cake!



試食!我無試啊!因為....我唔係貪心的人!  ^-^



有麵粉!



仲有啲模具!喺香港巳經買咗好多好多!所以都無乜興趣! ~~"






自由之丘都有好多得意小店子賣得意東西!
好似呢間賣好多frogs 的物件,全店皆是!



自由之丘都係媽媽的熱點!好適合親子樂的shopping地!
所以,都有很多童裝店!



好得意呢!





〔待續 - 下一篇預告：Day 5 － 飲食篇 (代官山waffles)]