[Day 4 - 24 May] (下北沢)

                                       Day 4 - 下北沢

轉下眼又黎到第四日，呢一日的節目都好期待，
有我最鍾意的下北沢，仲有中目黑同自由之丘，反而自由之丘無乜期望，
雖然我愛做蛋糕，也愛吃，但又未至於ｃｒａｚｙ那個ｓｔａｔｕｓ!哈！
反正未去過就去吓咁解囉！

由於我呢個低能Ｂ，終於今時今日寫咗百幾篇blog先知一篇blog唔止放20張相！
所以，我唔洗咁慘每個地方都拆散啲相黎post嘞！可以一気呵成攪掂佢！ＹＥＡＨ！



下北沢比我的感覺係好relax，好舒服好似落自己屋企留下shopping的感覺！
所以，可以幾興鬆，相比起新宿實在寫意得多，所以，咪咁喜歡囉！



這天是下雨天，由於路很小，人迫人，傘迫傘的情況又出現！
在這個時候shopping實在有點兒困難，不自在！到處碰著濕！


下北沢有南口，北口！
行完一邊，到另一邊！首先行北口！

見到一隻沖晒店門口的大大肥招財貓，很cute！


下北沢這個地方就是有一些這類的小店子，好自家製feel!
有小小風格！價錢又相宜！

這間店內全部貨品都只是 $525円！

都幾精緻啊！右手邊粉紅色那條掛頸的波波鏈好靚啊！
仲有一粒係玫瑰型黎架！真係好想擁有！

哈！結果當然是擁有了啦！yeah!


行行吓見到有我想找的綠茶店，即是綠茶東西的小店子，
急不及待入去睇吓有甚麼東東可以買先！

嘩！裡面好多綠茶產品，日本的綠茶真是很香！
有茶葉，茶粉，茶餅，茶麵等等等！

當然，還有黎日本一定不可缺少的綠茶雪糕！
香港的綠茶副產品做得唔夠出色，但是日本綠茶的東西就做得非常地道！




店子小小，有一把好大把的油紙傘！我鍾意啊！


我的最愛，一定要食的綠茶雪糕with綠茶粉！
超級好味，好香好香綠茶的清香，加上綠茶粉好fresh！
我可以話呢杯綠茶雪糕係我咁大個女食過最最最好味的一杯！ｙｅａｈ！

仲可以坐定定喺店內慢慢食，仲有兩杯好香的茶送添，
呢啲咪叫做去旅行囉！enjoy架嘛！



好香好滑啊，我好想食啊！

店主兩夫婦仲非常nice，悉心介紹各類產品(雖然我知係做生意),
但係又幫我地影相咁真係好友善，最後我都有同老闆and老闆娘影相哦！


跟住行行吓又見到一間老餅店，哈！叫玉井屋！
裡面的格局真係很懷舊！但又很古式古鄉喎！


有各類焼餅，脆脆賣，很多款，很多種類！
我見到有日本人話右下角那種'岩石'好食，於是我又買了一包，哈！
但到呢個moment我都未食！大概唔記得了！哈！

Ｏ１Ｏ１　OUTLET STORE! 據聞下北沢的SUNDAY呢間分店有個
ＬＡＤＩＥＳ　ＤＡＹ 特價！貨品係喺Ｏ１Ｏ１新貨攞過黎做特價添！

有各式各類的小店子！童裝，古著，自家製均齊備！
所以，好好行！

見到個疑似BEARBRICK的物體！

精品店！



雜貨店，因為我覺得太旺角feel所以一件都無買！

南口商店街的入口


見到有間cake shop！忍唔住又要停一下影相！嘻！

下北沢必去的地方，東洋百貨店！
裡面有各式各類的小店，感覺似旺角/尖沙咀的商場仔！



首先見到間自家製的精品雜貨小店
最出色係這個自家製hand made音樂盒！幾靚，又唔貴！

可惜我唔喜愛放這些雜物喺屋企，送比人又好似普通小小！
所以，最後沒有買！

繼台場之後，又見到有懷舊小食店！

某間時裝店門口的裝餘，好大個生果，很有趣！

呢間好出名，好多名人簽名的t-shirt店，
出名在於啲Ｔ-SHIRT 印咗啲好有趣的ＰＲＩＮＴ！幾爛的GAG!哈！

例如有件HELLOKITTY打MELODY等等！
仲有其它有趣的ＰＲＩＮＴ，我買了兩件，遲一下SHOW比大家睇，哈！

總括之言，下北沢是一個消閒購物的好地方！當然也是一個焼錢的好地方！

〔待續 - 下一篇預告：Day 4 － 自由之丘)