[Day 2 - 22 May] SHIJUKU TOKYＵ HANDS + 24小時激安

繼續ＤＡＹ 2 行程，一早去咗ＯＵＴＬＥＴＳ，番到新宿都四點幾，
於是繼續逗留喺新宿閒逛！去咗我一直等咗好耐想去既ＴＯＫＹＵ　ＨＡＮＤＳ！
因為我要買頭髮貼貼及叮叮薯片器！

到達ＴＯＫＹＵ　ＨＡＮＤＳ！個心即時笑咗一吓．．ＨＥＨＥ！

不過都無層層行，因為太唗時間，只係行啲想行既層數！
ＴＯＫＹＵ　ＨＡＮＤＳ有好多鬼五馬六既嘢！面具呀嗰啲，好攪笑！
跟住指定動作係戴住啲面具同眼鏡嚟影相，ＨＡＨＡＨＡ！

我的ＨＥＬＬＯ咪咪又出場，又係買匙扣時間，
唔忍心唔買，即係買到嘔～～～～　

仲有啲食物電話繩，好精緻！

ＹＥＡＨ！搵到我要既嘢嘞！！（大熱大熱）
呢個(最左手邊)叮叮薯片器風摩萬千ＢＬＯＧ界萬民！
香港貴一貴（約二百蚊），都可以賣到斷市，喺呢度買唔洗同人爭，仲有個進化版
可以選擇添（右手邊那個），呢度買都係 $1,260ＹＥＮ，一百蚊都唔洗港紙！
二話不說攞晒兩個先！至於個進化版係多幾個用具可以用，其實差唔多！
所以我都係買番原始ＶＥＲＩＳＯＮ！

呢個ＲＯＢＯＭＯＰ其實我都想買，入咗電佢中間個波波會帶動側邊個環走來走去
吸塵！而張除塵紙就貼喺側邊個環度！

喺賣日本嘢個”樂天”有得訂！不過我覺得訂無意思，
親手買先好ＦＥＥＬ，所以其實九成都想買，但係諗落我屋企唔係咁啱洗，
個除塵紙又貴，又唔化算又唔環保，最驚係用晒喺香港買唔番，所以最後都放棄！

ＹＥＡＨ！又搵到我個ＴＡＲＧＥＴ！頭髮貼貼！（大熱大熱）
呢個貼貼好似摩術貼咁，貼喺前額啲頭髮上面，唔會整亂啲頭髮，
然後就可以化妝，頭面，做啲面部護理等！超方面，喺香港大熱架！

見唔見到粉紅色嗰行得番一包？哈，無錯，比我掃晒，送禮佳品！

買完心水嘢之後就離開ＴＯＫＹＵ　ＨＡＮＤＳ，然後去咗高島屋買割引食物，
再食晚飯，再行藥房，再去２４小激安之殿堂！



２４小激安之殿堂

呢度又係立立雜雜乜嘢玩具用品雜貨衫褲鞋櫗都有，所以夜晚啲百貨公司收晒
之後好多香港人都係嚟呢度打等，我未黎過，因為之前覺得呢度個感覺
怪怪地，有些焗，有陣味添！不過一場黎到唔買都睇吓啦！

又係有啲古靈粉怪的東西！
不過我都係戰利品，有啲東西比起出面都平少少既！
我仲喺度買咗幾盒日本版得意動物餅！仲好平添！

夜晚如果啲１００円店收晒，又有啲緊急衫褲鞋襪等等要買就可以黎呢度啦！

呢度啲嘢有小小似ＴＯＫＹＵ　ＨＡＮＤＳ買既嘢！


行過蟹道樂？蟹樂道？我都係蟹痴但係上網見到啲人叫啲餐好似唔抵食
咁，所以就無食，但係會影相留念啊！

〔待續　－　下一篇預告：Day 2 飲食篇 〕