網誌分類：♥夏の初11天東京之旅2008♥ [飲食篇]♥ |
圖片
網誌日期：2008-07-03 02:49
DAY 1 飲食篇之
[思之出橫丁串燒 / 晚餐 SHIJUKU SHZUYA]
新宿西口有條小小的內街叫[思之出橫丁]，啲鋪頭係居酒屋（街邊ｖｅｒｓｉｏｎ），
仲有啲串燒店等！幾地道呀，好多男人都喺度把酒談心！
行咗好多個ｒｏｕｎｄ，都未揀到食邊間好，又肚餓，所以就求其去咗間有個國語人
既鋪頭入咗去，但求快食就算！嘻！但係呢餐都食咗 3,000Yen！貴架！
算啦，罷明比佢呃啦！哈！
每次ｏｒｄｅｒ都要兩串上既，叫咗啲豬肉丸（最好味呀），
日本啲燒汁豬肉丸衰極既鋪頭都會幾好味，ａｎｄ盬燒雞肉串呀，豬脷呀！
仲有小毛茄（綠色嗰啲），燒冬菇！
仲有杯茶隔離嗰碗前菜，係凍物黎架！幾好味喎！
其實食完未飽架！但係頂住一下先啦，夜啲要吃晚飯嘛！
晚飯時間，就去咗食群馬麦豚！群馬好出名出產豚的地方！
這間老店巳經好多年歷史，地點又方便，喺歌舞伎町一番街入口，
左手邊大大間上樓就係喇！
而且好好味，比起港人最愛的[和幸]炸豬扒還要好味，及有質素！
我覺得和幸太多油呀！
呢個係地面的ｄｉｓｐｌａｙ！
餐廳內裡環境幽雅，有好多碟掛滿在牆上，聽聞是因為這店的老闆
很喜歡收藏碟！
Ｍｅｎｕ有好多款豚肉有麦豚，草豚等，還有茶漬飯都係盛名之作！
價錢平均千多円一份！一份豚肉，加湯，以及白飯任裝！
呢份就係茶漬飯ｍｅｎｕ！
呢個係前菜，酸蘿蔔 ａｎｄ 勁酸既酸梅！
不過粒梅好有梅味！
呢份就係群馬麦豚定食 $1,600YEN
特徵就係肥瘦均勻，有瘦有肥，咬口十分鬆化，而且油份少，食完完全沒有油膩的感覺，感覺很輕身！推介～～～好豚豚！
呢份係茶漬飯 $1,500YEN
個豚肉一樣咁好味，加埋啲菜，紫菜！
如果唔識點食茶漬飯，佢會有個 ｉｎｓｔｒｕｃｔｉｏｎ 教你點食，
首先就係食食食，哈，食餘三件就可以倒啲茶去個碗到，
啲茶可以飲既，跟住就放埋啲豚肉落個碗到一齊食就得喇！
呢個食法幾健康！怕油又想食炸豚呢個方法幾適合！
係另一個食法！
我的茶漬飯，個茶幾香又無咁油喎，我鍾意呀！
合計：$3,100YEN
〔待續 － 下一篇預告：Day Ｉ 飲食篇 ＰＡＲＴ ＩＩ〕
