Day 3 ~ 烏來 / 台北 / 宜蘭 (羅東) Part 2

臨出發嚟台北之前,我乜都冇預備過...所以要去宜蘭玩咩都唔知....

原來我哋只係去宜蘭其中一小鎮(羅東)晌呢間民宿住一晚....

之後有咩行程都冇計劃過...

晌台北食完中午飯就搭個多小時既車程就到咗羅東

之後搵個公眾電話用唔鹹唔淡又唔正既國語找 Sunday Home既負責人林生出嚟接我哋入去佢話晌"田中間既屋"......一到達...嘩 !!!!!!! 好靚,感覺好舒適既 Dream House

我哋住1樓尾房既 Monday Room (即相入面中間有露台果間房)

又即係左手面最尾果間房

林先生工作地方

地下屋入面既梳化

供住客任睇既私人珍藏書籍

不停播放著令人好輕鬆 relax 既純音樂

都係睇番我哋間房先啦

原本2人房間....加咗一張床,閒日租$4400 (即港幣$1100 左右 包3人早餐)

我最鍾意個 toilet.......我間屋係咁就正啦 !!!

連浴室毛巾都繡上 Sunday Home logo....好多嘢都極具心思

房內仲有本嘉賓留言冊.....好多住過既人客都好滿意

Sunday home blog : http://tw.myblog.yahoo.com/sunday-home/article?mid=3412&prev=1389&next=3280

**************************************************************

由於冇一早預訂晚餐,所以傍晚時我哋就出去羅東夜市逛街

林先生仲好好人印咗一份羅東街道食肆圖比我哋,又向我哋介紹邊樣嘢好食

又幫我哋 call 埋的士....

個的士司機又好人,佢知我哋冇電話,仲比埋個手提電話我哋,等我哋回程時打比佢就得啦.....咁信得我哋過喎 !

***************************************************************

晌夜市時又係食刨冰.........今次幫襯呢間叫鮮芋仙

3個人每人食完一大碗即刻飽晒啦.......

搭的士返去沖涼,再煲咗一隻碟先zzZZ