是日晚餐 :花生紅棗煲魚頭湯、蒸排骨、翠玉瓜肥牛炒雜菇(金菇、秀珍菇、雲耳)

是日晚餐 :腐竹馬蹄煲西施骨湯、炒菜心、面豉醬蒸茄子魚肉

宜家瑞典肉丸上次整比亞仔食; 今次就整比大大少食..兩位大爺都話好好味喎其實我兩次都有食架...不過係食好少咁啫我講到自己好慘, 煮左無份食咁嘅

天氣凍凍地, 至啱就係十下十下啦..各位埋位喇

是日晚餐 :大白菜紅蘿蔔煲豬踭湯、西芹炒魚鬆、外賣乳鴿今日我同大大少出元朗行街街拍拖......見今日凍凍地...我地走去食蛇添....正好味...今日仲買左好多野...妳地睇下.....

是日晚餐 :綠豆赤小豆百合煲豬展湯、菜甫炒蛋、西芹炒魷魚依個急凍魷魚係喺樓上燕窩X買架....好抵22蚊有4隻架

是日晚餐 :木瓜魚尾湯、芥蘭炒牛肉、外賣小食我放假, 唔係我煮架

大大少又開始放年假, 咁即係我又放大假啦..琴日第一站就出元朗飲茶我地兩條友食左5野樣, 都係6X幾咋, 真係又平又好味..我5打名喇, 看圖識字啦又係廣告時間......其實兩條友朝早點可以食咁多...

是日晚餐 :霸王花無花果蜜棗煲豬展湯、炒菜心、蒜蓉蒸雞翼

是日晚餐 :南瓜番茄煲豬展湯、娃娃菜煮粉絲蝦米、蒸鱔南瓜番茄煲豬展湯....仲加左紅蘿蔔同粟米架