流年不吉

第一篇就講呢個題目。

今日跌左成個鎖匙包。好多人都不理解我做乜咁緊張，唔見左咪配過囉。但…我擔心係因為……個鎖匙包入面仲放左張垃圾袋領取卡，上面有我個地址！唉！唔敢同爸媽講，唯有聽日俏俏換鎖。即刻叫有我鎖匙的朋友上我家看住，立即飛奔回家。朋友知道事實的全部，梗係笑到收唔到口，話點會有人咁蠢將地址同鎖匙放埋一齊！我係貪方便，同埋覺得自己唔會唔見鎖匙囉，我都唔知點解當初我會咁有自信喎。呢個年尾真係破財月，之前廁所洗手盆同廚房鋅盆底都漏水，換呢換路洗左近千蚊；細仔做絕育，由於曾經抽筋，叫maggie同佢驗埋血，全部夾埋又近二千蚊；宜家又要換鎖，連工包料，閒閒地都五佰蚊啦！破財完未呀？