大板之旅4人行 Day3 (Part 1)

今日如果跟團就係去環球影城，呢個行程唔啱我哋所以就自由行啦! 因為今日係行街出血日所以一定要食飽飽先出發。

先由"梅田駅"坐地鐡 (呢程車要200yen)

搭去"本町駅"轉中央線

行去中央線時要行好耐... 途經見廣告poster... 啲生果好靚好想食呀!

行咗咁耐終於到啦! 搭一個站去"堺筋本町駅"

今日媽咪帶我哋去"寺內"大出血!!!!

"fanbi寺内"是位於大阪船場的一家古老的綜合批發公司。 分佈在4棟大樓裡面，陳列着有關服裝，化妝品，生活家居所需等商品共约100萬種。從一般的商品到日本最流行的暢銷商品以批發價格來進行銷售。 (呢個先係main point真係慳唔少!) 但是在採購之前必須先辦理會員登錄手續。

嘩... 4棟大樓真係行成日都行唔晒... 我哋全部大樓都有行過但每層逗留嘅時間都唔長... 除非嗰層有嘢啱買就行耐啲.

如果Hello Kitty迷去就最開心... 因為有一層係有好多唔同種類嘅Hello Kitty產品買...

除咗Hello Kitty仲有龍貓, Disney卡通人物, Snoopy, 其他Saniro卡通人物等等嘅產品...

每棟大樓都賣唔同嘅產品... 我哋就買手信，食物居多俾你哋睇吓部份戰利品先!!

買到要pack箱走，好彩媽咪有備而戰帶咗拉車仔咋(其實仲有兩袋我我手上...哈哈) 唔該你呀加菲魚魚! 我哋出完血後幾開心!! 哈哈

由早上10點行到６點真行腳都震... 先返酒店休息吓先再去食晚餐... 食咩? 食好嘢囉!