北上開戶口

星期六下午皇崗之行，主要目的就係開戶口，內地銀行辦公時間去到下午4點(星期六,日)，真係方便唔少人。相反，近日聽朋友告知方知澳門銀行已實行五天制一段時間，我覺得對唔少人一個困擾呢！



由於內地使用簡體軟件登入，早前家人開戶後一直無法順利進入觀看當中文字，其實在XP只要使用AppLocale這個軟件就可以設以以其他語系執行個別軟件。但係我用Vista，又聽聞此軟件在Vista便用上有少少困難，幸好自己想到另一方法，就係另開一個用戶，而把該用戶語系設定為中國簡體，以後有需要用內地網上銀行，就登入呢個簡體用戶吧。

今次經過地鐵站，終於都買了深圳的儲值咭，終於集齊港、澳、台與內地四地的儲值票(即係每地都“責”了少少錢在其中)，以後就可以更方便4 地穿梭了。(邊有咁多錢……)

晚餐到「小肥羊」火鍋完了，就回港了。

後記：今次個人感覺，內地的人比香港的人有禮貌得多。以前已經明顯感覺到海關人員比香港的有禮貌(呢一點都曾經同做海關的朋友反映過…)，今次所見，無論銀行，又或店舖員工，又或街上向人問路，唔知係好彩定係內地真係進步不少，大家的面口都算友善。相反在書城碰上兩個“麻甩港漢”，一邊行一邊帶著粗口對話，實在覺得失禮，難怪香港人越來越抬唔頭，因為質素不斷停滯不前，而內地人就慢慢進步中，難怪港人競爭力漸漸被比下來。

☆   ☆   ☆   ☆   ☆   ☆   ☆   ☆   ☆