DC與單反

我承認有推過朋友落單反(DSLR)的深淵,使他買了腳架,定焦,長Zoom,大光圈,由原本兩支Kit鏡,到現在的50/1.4,18-50/2.8,70-300,28-300四支鏡,自己倒是長用支Kit,行山旅行會加10-20,有時會帶55-300,玩活動就一Kit加一支手動50/1.7,不過現在更多時會用F200EXR,特別是同女友一齊的活動,如果要下水的話,借女友的W60就算,連高ISO,DR800%都没有.

現在反被朋友話用DC多過DSLR,我的解釋是用得其所,去飲唔着短褲,去沙漠唔着長褲.我都知用單反質素高,但落水唔使諗,一定必死無疑.

有時帶大機最少重2kg,一般行山當然没有問題,跑山就不會揹重,4-5kg已經包括2L水,0.5寶X力,午餐,衣物,遮,手機,GPS等,再加大機就跑不動啦.有時去的地方連用DC都未必有手用,何況用大機,爬石河時還真想生多兩隻手.

還有夜景,室內景,雖然知到用腳架一定好,但實在不願意只為影幾張相而帶腳架,f200exr高iso mode方便快捷(當然LX3的大光圈更毒),一般放上面子薄/Blog絕對足夠有餘,省回的時間可以食多幾啖美食,吹多幾句水,此情無價啦.

當然慢行影特別地方,上山影日出還是DSLR首選,有時辛苦一些,當看到自己拍出來的風景相時就覺得值回票價.