曼聯車路士歐聯再激鬥

0係剛剛過去0既星期二，歐洲聯賽冠軍盃八強次回合賽事，首回合落後羅馬 1 : 2 0既曼聯，返到主場破盡歷史數據，主場大炒羅馬七個一皮（ 7 : 1 ），連同車路士反勝華倫西亞 2 : 1 ，利物浦賽前基本上已晉級，致四強中佔三隊為英超隊伍，今屆可講係威震歐聯！結果今屆歐聯0既四強名單經已全部產生，英超榜首0既兩支球隊曼聯、車路士並列排0係第一位，成為今屆歐聯得主0既大熱門。利物浦、 AC 米蘭緊隨其後，其中， AC 米蘭儘管作客淘汰0左勁敵拜仁慕尼黑，不過作為僅有一支非英超球隊，就成為四強中唔會被睇好0既球隊。今年歐聯0既半準決賽首回合將於四月二十四日開始，首回合車路士主場迎戰利物浦，曼聯主場迎戰 AC 米蘭。

先講曼聯點樣晉身四強，曼聯0係上半場0既攻勢水銀瀉地，0係七分鐘內憑卡域克、阿倫史密夫以及朗尼0既入球，早已領前 3 : 0 奠定晉級之路；基斯坦奴朗拿度（ C 朗拿度）完半場前射入其歐聯首個入球後，曼聯強勢地領先 4 : 0 返更衣室。換邊之後，曼聯再由 C 朗、卡域克以及後備入替0既艾拉再度建功，兵敗如山倒0既羅馬僅憑迪羅斯破蛋，最終曼聯大勝 7 : 1 ， 兩個回合合計以 8 : 3 晉身四強。賽後曼聯領隊費格遜直言呢場仗係球會於歐洲賽上形容為「最美麗的晚上」。曼聯0係今仗亦破盡歷史數據，造出自歐聯改制之後，0係淘汰賽階段最大比數0既勝仗；之前0既紀錄為 57 / 58 年球季，皇家馬德里以 8 : 0 大勝西維爾（前身為歐洲冠軍球會盃）。曼聯仲創出球會歷史上最大差距0既比數擊敗意大利球會、淘汰賽階段首回合落後對手，而能0係次回合反勝晉級；球員方面，有 C 朗、卡域克於歐聯開齋，以及阿倫史密夫自 2004 年 12 月之後，再度於奧脫福主場建功等紀錄。

此外，外國媒體《天空體育》賽後為雙方球員作出評分，結果今役擔任曼聯隊長0既中場球員傑斯獲得最高十分，獲選為「全場最佳球員」。至於 C 朗以及費查同得九分、卡域克得八分，最諷刺0既係後備上陣0既基蘭李察臣亦都有六分；相比起羅馬多位球員，只獲得四分至五分，從戰果已能反映一切。

跟住落0黎就係講車路士，車路士上下都對上半場0既表現感到不滿，但華倫西亞憑三十二分鐘，摩連迪斯0既頭槌入球後，在兩個回合領先 2 : 1 下變得保守。車路士開始控制大局，摩連奴賽後承認，半場並無向球員施壓，摩連奴話，球隊繼續壓迫對手，然後派祖高爾上陣以及將艾辛調任右後衛。結果，0係五十二分鐘，憑舒夫真高門前輕鬆射入，直至補時階段，艾辛窄位抽射近柱擊破簡尼沙利斯大門，奠定 2 : 1 勝局。0係球隊取得出線權之後，摩連奴被問到四強好有可能重遇利物浦，有無諗過復仇（ 2004 至 2005 年球季，車路士0係四強被對方淘汰）。摩連奴認為，人生中根本無復仇呢兩個字，而0係足球世界裡面，更加唔會存在。佢又承認對方可專心踢歐聯，同時要兼顧英超以及英足盃0既車路士處於不利形勢。此外，摩連奴賽後又暗示自己可能會離開車路士。

防守中場艾辛補時建殊功。美中不足係佢將於四強次回合停賽，令領隊摩連奴大歎下仗痛失良將。艾辛自上個月英足盃對熱刺後一直養傷，是役賽前上陣成疑，結果復出即建奇功。是役上半場三分鐘，艾辛因侵犯敵將摩連迪斯，領黃牌之後須於下場歐聯停賽，難得他放開懷抱作賽，終於在補時階段窄位怒射破網成為贏波功臣。兩個回合 2 : 3 被淘汰0既華倫西亞，華倫西亞0既球員真係輸得心服口服。從數據上，華倫西亞0既控球率只有四成，七次射門比對手少八次，只有廿二次犯規比對方多。的而且確，唔係簡尼沙利斯表現神勇，華倫必將大敗。隨著華倫西亞被踢出局，意味著本屆歐聯四強，無一支西甲球隊。呢個情況0係 2004 至 2005 年球季也曾經出現過，當時皇家馬德里及巴塞隆拿0係十六強已被淘汰出局。

車路士0係賽後，透過官方網0既頭條人物自是艾辛，內裡引述0左摩連奴對佢0既評價，摩連奴話，艾辛係一個與別不同0既球員，體力充沛，摩帥又話，因累積兩面黃牌須於下場停賽，當然對己隊不利，可幸0係下一圈都有次回合，但願艾辛屆時無傷無病，可以復出再為球隊作出貢獻。0係上季以 2,400 萬鎊（約 3.7 億港元）從里昂轉投車路士0既艾辛，入球產量唔多，惟每每重要入球，「入球有價」，例如0係今屆歐聯分組賽主勝雲達不來梅 2 : 0 先開紀錄；舊年年底0既聯賽，車路士迎戰阿仙奴，完場前六分鐘「重炮」得手，助球隊迫和宿敵 1 : 1 。

總括0黎講，曼聯同車路士0係近年0黎，無論0係英超、英足盃、甚至歐聯，都係鬥過你死我活。大家不相伯仲。到底邊支球隊能夠奪得真正0既錦標呢？敬請拭目以待！

0係今個禮拜， Now 寬頻電視獨家直播英格蘭足總盃四強首回合賽事，曼聯同車路士，會0係英格蘭足總盃作客出擊，戲碼越0黎越精彩。屈福特、布力般流浪雖被睇淡，但仍期望0係主場殺出血路。星期六深夜十二點半，有屈福特 VS 曼聯， Now 684 台 ESPN 直播；星期日晚十一點，又有布力般流浪 VS 車路士， Now 685 台 Star Sports 衛視體育台直播。

賣埋廣告先！仲未安裝 Now 寬頻電視？ Now Sports 囊括世界頂級體壇及足球盛事。0係四月三十日前即時登記月費 178 0既超強體育組合，免費三個月任睇，兼享頻道買一送一。詳情請瀏覽： http://www.now-tv.com ，快0的登記啦！ 24 小時申請專線： 2888 1888 （後按 1 字）

*賽事如有更改，以最後公佈為準。