誰願稀罕這愛情《單身部落》

「獨身的趣味　不拍即使抱擁得空氣　我亦懶去記起」

「誰願稀罕這愛情　從未甘心因我轉性　其實清楚這過程　就算犧牲不會高興　已心領」

呢首歌0既歌名叫“心領”，相信大家有睇過《溏心風暴》0既話，都會被呢首歌0既旋律所吸引。部份歌詞0既內容，都有提及到一0的都市男女，對愛情0既感覺猶如人生之中0既苦與喜。能夠去欣賞自己0既專一同鬥志，就算再經過對方身邊幾多次，再討好一0的都唔會從容。過去有好多方法去嘗試接近對方，又試過太少0既方法去得到對方，到最後只有逃避。所以戀愛0既人生裡面，去搵一個寵自己愛自己0既人，會出現一次又一次0既高潮，真係好難。就正如歌詞其中一句：「無謂發現情或許轉淡」。所以，今次介紹0既一部愛情電影《單身部落》，就包含0左呢0的完素。

「我0地同你0既距離只有 0.02 mm 」，呢一句就係今次電影 Poster 0既宣傳主題。其實0係香港電影圈，拍一部以現代都市男女性與愛0既電影同電視劇，要拍得樂而不淫，的確要考功力。電影包括《應召女郎 1988 》、《香港舞男》、《雞鴨戀》、《舞男情未了》、《晚九朝五》、《性感都市》等。電視劇有《男女字典》。今次由寰宇娛樂有限公司投資0既《單身部落》，由陳慶嘉監製，李保樟執導。確實為性與愛0既電影打0左一支強心針。

故事圍繞 Kitty （李彩華）、 Vivian （谷祖琳）、美華（董敏莉），三個同居女人，各自經歷著愛性交纏，將性愛進行得笑中有淚。

李彩華（ Rain ）飾演一個本身純情0既女性 Kitty ，因為初戀男友 Woody （曾國祥）移情別戀，使急切尋求改變，要由自己雪亮0既眼睛同身體，去體驗「夜蒲世界」0既吸引力。結果觸摸過好多男人身體，也讓很多男人進入 Kitty 0既身體，性愛高手、五秒姿整男、年輕少年等等，各式各樣0既新奇性經驗，唔只令她眼界大開，更令佢笑過、哭過、痛過、興奮過。從此變成一個又自信又無助0既女人。 Kitty 就好似企0係 Woody 昔日0既路上，明白當日0既 Woody ， Kitty 再次遇上 Woody，一切能否重新開始？

谷祖琳（ Jo ）飾演一個晚晚蒲天光0既有錢女 Vivian ，從小想要乜就有乜，快樂垂手可得，事實係令佢唔知道自己想要乜0野，每日就只顧玩，唔懂得理會別人0既感受，只要佢一開心，就算傷害到別人都會去做，包括性。機械工程師（吳嘉龍）、準新郎阿健（黃浩然）等都係 Vivian 0既輝煌戰蹟，直至遇上一個戇直純品0既牧場男人 Donald （陳輝虹）， Donald 竟誤會 Vivian 係一個純潔女孩。令到 Vivian 終於發現需要0既，唔係發生0係床上0既高潮，而係人生0既高潮。

董敏莉（ Monie ）飾演一個永遠小女孩0既美華，習慣倚賴別人過活。因為前男友 Endy 0既不辭而別而崩潰，但佢選擇相信 Endy 只係太忙，永遠深愛自己。因為能幹0既女上司樂小姐（安雅）0既出現，令佢處處保護美華成長。美華開始感受到被寵愛同包容，更逐漸發現，愛，原來可以存在於兩個女人之間。女人0既心思、初吻以及撫摸，都比男人都溫柔細膩得多。可惜離不開 Endy 0既美華，周旋於兩段愛情之間，根本無能為力。

三個女人，交織出三段截然不同0既性情故事，佢0地最後才發現，透過前所未有0既愛與性，最後都搵到屬於自己0既獨身趣味，然後發現情或許轉淡……

論資歷，細 Jo 谷祖琳曾經演過《豪情》，連場親熱、情慾戲對於阿 Rain 、 Monie 、 Jolie 等「玉女歌手」來講，無疑係「突破性演出」，當中阿 Rain 表示係入行以0黎首次拍攝親熱戲，事前既緊張又害怕，不過演情慾戲駕輕就熟0既連凱細心教導佢放鬆。另外，一場同日藉演員葉山豪0係山頂0既「車震」戲分，令阿 Rain 朱脣受創，阿 Rain 話：「因為葉山豪塊面有好多好硬0既鬍鬚，激吻完之後真係好痛，搞到我嘴唇都腫0左。不過，佢錫完我之後，成個嘴都閃閃發光，事關化妝師幫我搽0左0的閃令令0既脣彩。」平日唔鐘意夜蒲0既阿 Rain ，坦言在拍攝之前曾到蘭桂坊0既夜店觀察環境，有一次更被外籍男士出言挑逗，對方問佢會否玩「一夜情」，更想趁機撫摸佢，嚇到阿 Rain 即時彈開。佢又坦言，若然對方有所行動定必立即報警，呢次經歷後會更加小心，而佢絕對接受唔到「一夜情」。

阿 Rain 又表示拍攝前，更買0左好多牙刷、香口膠作好衛生準備。成部戲雖然無露點鏡頭，最性感都係露出雪白背部以及要拍攝「呻吟」0既近鏡，但係為免尷尬，拍攝0既時候仍要求清場。成部戲可以同四、五個型男拍親熱戲，阿 Rain 今次真係艷福無邊。至於細 Jo 同黃浩然（ Raymond ）大搞一夜情兼玩自拍，非常意識大膽！細 Jo 0係片中趁 Raymond 熟睡期間，同對方玩裸體自拍，更0係婚禮上戲弄對方；又狠狠地0係重要部位上留下傷口，令 Raymond 狼狽不堪，非常大整蠱！不過談到呢場床戲0既時候，並唔尷尬，因為細 Jo 同 Raymond 以及其太太都十分稔熟，更因此唔駛向太太備案！

Monie 亦透露0係片中要同一個三級吹氣公仔做戲，「因為我唔會覺得尷尬，反而覺得好得意，我拍呢部戲之前，特別睇0左一0的醫學書籍，了解情侶技巧，可惜暫時無機會0係現實中大派用場，其實我對於呢0的知識都係半桶水，仲要多作鑽研，免得到時會獻醜。」 Monie 更破天荒獻出從影以0黎最大膽一次，同久未0係銀幕露面0既性感女星安雅拍0左一場接吻戲，呢次更係兩個人第一次錫女仔，拍攝前當然非常緊張， Monie 大讚安雅身材好，身上應大0既地方大，令人「摸得舒服」，笑言戲中一眾男演員 Raymond 同曾國祥一定非常恨做佢0既角色。

至於同樣有份參與演出0既陳苑淇（ Jolie ），為0左呢部戲亦奉上銀幕初吻， Jolie 要0係鬧市中緊抱曾志偉0既仔曾國祥錫錫，由於導演要求拍攝唔同角度，兩個人共錫0左五次先至大功告成。 Jolie 話：「因為街上有好多人睇，好緊張，又唔知乜0野 Feel ，所以都係劇情需要。無可能話抵唔抵。」阿 Rain 、 Monie 、 Jolie 三位本身都係玉女形象0既歌手，都為0左今次《單身部落》豁出去，睇0黎佢0地都深明當今流行樂壇玉女唔再風光0既實況。所以話，女人係要靠外表，仲要 Sexy ，比較成熟0既女人當然會認同。