今夏好波播不停

唔經唔覺歐洲主要聯賽已經收「咧」0左個多月，距離新賽季展開前呢段「空檔」，球迷都可以享受賽事所帶來0既樂趣；先有巴西成功衛冕0既美洲國家盃、今晚深夜誕生0既世青盃以及即將踏入四強0既亞洲盃相繼上演，仲有一系列球會季前熱身賽、四角賽等，可謂應有盡有。唔少球迷更可近距離一睹球星風采，足球狂熱程度，就如炎夏一樣熾熱！

巴塞隆拿、曼聯、利物浦、拜仁慕尼黑等均於今夏東來，無論0係現場睇定係透過電視欣賞，悅目賽事均逐一呈現球迷眼前。除0左近距離0既曼聯亞洲之旅，球迷仲可以睇到身距萬里之外0既球會友賽，實行0黎個季前大檢閱！

大受香港球迷歡迎0既英超四大球隊，曼聯、利物浦會先後東來，車路士、阿仙奴亦有多場友賽（見附表）；尤其阿仙奴，「兵工廠」今夏將陣中象徵人物亨利賣0左畀巴塞隆拿，直接令本港球迷有眼福，可以現場睇到跟隨巴塞來港獻技0既亨利。阿仙奴亦會以全新陣容出戰，於月底0係倫敦，同國際米蘭、巴黎聖日耳門以及漢堡進行0既「阿仙奴四角賽」；然後再轉戰荷蘭阿姆斯特丹，同東道主阿積士、西甲馬德里體育會以及意甲拉素，競逐「阿積士四角賽」。究竟，披上巴塞球衣0既亨利係0米真係風采依然？無0左呢把法國尖刀0既阿仙奴，實力又會係點？新將伊度亞度達施華又會唔會取代亨利0既地位呢？球迷倒不如親自審視吧！

由 7 月 18 日起， Now Sports 0既頻道編號會有最新安排，詳情請見附表。