好似好耐都無乜點講飲講食, 以我咁為食係無乜可能唔去街街食好野, 只係因為太懶兼掛住食無影相, 所以先無點講食野. 咁啱朋友個朋友因為屋企做海鮮生意, 用平價益我地食靚海鮮, 我就然當然唔會放過機會啦.
平靚正海鮮晚宴喺南丫島, 朋友甲帶埋佢隻狗仔仔, 重有朋友乙同我先行一步, 入去行下食下. 亞狗仔仔有得去玩就好開心, 行過佢認得個碼頭閘口, 就已經用比平時高兩個八度嘅聲係咁叫, 真係未出發先興奮.
喺船上面已經好好艷福嘅 狗仔仔
到埗之後由碼頭行過洪聖爺灣食豆腐花, 途中飲咗枝少甜薏米水同食咗唦嗲串燒雞. 原本都幾想食埋個自家製芝士蛋糕, 但因為遲入島, Shelly 又客滿, 所以唯有下次先食啦.
輝記豆腐花 (亞婆豆腐花係出名好多, 但食落真係似亞婆啲皮膚...)
食完豆腐花, 個天已經開始暗. 因為立冬已到, 一開始暗就會黑得好快; 啲天色咁靚, 又點可以唔影返幾張相呢?!
行咗幾分鐘, 個天已經黑齊. 先返去 Shelly 門口會合朋友丙丁戊, 然後去亞戊相熟嘅酒樓坐低, 交低帶嚟嘅魚同龍蝦, 亞乙出碼頭接朋友己. 豪食夜宴急不及待就要開始喇, 嘩咔咔!
足兩斤滑到漏油嘅 花面星 
清甜龍蝦四隻 每隻一斤
估計有一斤重嘅 海金古以前未食過金古呢種魚, 聽朋友戊講金古唔多有得食, 野生喺海度嘅就更少. 朋友甲以前食過, 一聽到話有得食, 雙眼已經發光. 新鮮魚加葱清蒸, 魚肉鮮甜完全出哂嚟, 真係唔錯; 我覺得呢隻魚肉質有少少似烏頭, 但唔會有霉嘅感覺; 最特別係啲皮, 喺口入面有種甘香但唔苦嘅味道, 真係幾特別.
當然, 除咗上面三道餸, 重有清蒸海蝦, 豉椒蟶子, 蒜蓉粉絲蒸原貝, 椒盬賴尿蝦, 豉油皇炒麵, 清炒西蘭花. 七個人食九道菜, 真係食"*"咁食.
你估埋單每人幾多錢呢?
dsc_0509.jpg
dsc_0472.jpg
dsc_0438.jpg
jaysondery 2009-11-30 13:35
chinad 2009-11-25 21:21
笑口常開~~天天開心
..................................................丹丹 2009-11-21 18:13
羊小妹 2009-11-13 12:23
鷹頭獅 2009-11-10 22:45
鷹頭獅 2009-11-10 18:34
我估每人$150!
七仔2009-11-10 21:13