泰舒服-日與夜 (Day2)

繼續我個泰國之旅先 …

之前果晚飲飽食醉   一於放棄食早餐   暈到晏畫先起身

一點半集合去食飯   見到佢地個個魂魄未齊個樣真係好搞笑

就連食晏都要飲回魂酒    唔知係咪真係會醒d呢   哈哈

講真   呢間野真係麻麻地

下次大家都可以唔水去呢間

食到七七八八   同幾個朋友就閃走左

因為得幾個鐘自由時間   拿拿聲搭BTS返去"Chit Lom"按摩

搭BTS時   喺月台見到有個廣告牌   個 BB 超可愛   忍唔住要影低佢

呢間按摩真係要比十粒星   超得﹗

按左兩個鐘都係 B600 (HK$146)   真係超舒服

仲比左B200 小費個按摩師    一定要獎勵下佢

好耐都未遇過咁好手勢既按摩師   成身鬆晒

如果下次過黎   真係要日日過去搵佢幫我按先得

按完摩就去返 SIAM 果邊行街街

去我必到既 Loft 想睇下有冇咩得意既擺設‧餐具等…

沿途見到好多美食   鍾意掃街既我又點會錯過

一邊食一邊買   食到停唔到口   買到停唔到手

佢地d 小食一d 都唔貴

每樣都係B10 - B20   為番港幣都係兩個幾至五蚊雞

拎二三十蚊出黎真係可以食飽左   哇咔咔咔

行到黃昏   又要返酒店放低d 野

沐浴更衣   準備晚上主人家既生日派對