我的婚禮 banquet decoration

因為最近見倒好多準新娘都搵緊 decoration 公司﹐所以忍唔住要 post 呢個 item 先。

婚禮前三個月﹕
之前都有提過我哋係揀咗 Dica Venue Decoration (私有化 post) 做我哋嘅 banquet decoration﹐由於當時間公司仲係好新﹐網上面無咩 comment﹐而且佢哋未做過我哋擺酒間酒店﹐揀佢哋好大原因都係因為覺得 May & Andy 真係好有 heart﹐令我哋放心去信佢哋。

婚前小插曲﹕
其實婚前發生咗一個未有人知嘅小插曲。話說我哋 confirm 咗用 Dica 之後某日﹐朋友打電話俾我﹐原來佢公司最近開始做 wedding decoration﹐需要一些 job reference﹐所以 offer 幫我哋免費佈置﹗朋友知我想要南瓜車﹐就 offer 佢哋可以幫我哋買﹐我哋只需要俾返個南瓜車嘅 cost 就得﹐其他嘢免費﹐點計都一定平D。

不過﹐我好快就推咗朋友喇。因為我哋第一次見 Dica 嘅 May﹐May 都未知我哋會唔會幫襯就同我哋傾咗幾個鐘﹐真係由天光傾到天黑﹐呢份誠意真係好大。我哋覺得 Dica 係我哋值得信嘅一間公司﹐加上我哋同 May 傾完之後已經有良好溝通﹐May 已經好清楚我哋要咩﹐我哋又點可以呢個時候為咗用少D錢而放棄呢個良好嘅關係呢﹖

當然﹐我好多謝我呢位朋友嘅 offer﹐我哋同 Dica 有 committment 在先﹐面對好嘅 vendor﹐我做唔出對佢哋唔住嘅事。

其實我係想講﹐就係 May & Andy 對工作嘅熱誠一直打動倒我哋。

婚禮當日﹕
我哋揀 Dica 嘅決定係無錯嘅 ﹐May & Andy 真係好有 heart ﹐好用心幫佢嘅 client 諗點樣可以令個場地佈置得最好。我哋兩個無咩頭緒 ﹐May & Andy 分別用咗好多時間同我哋傾﹐俾好多 ideas 我哋﹐好有耐性之餘仲俾倒好多意見我哋 。

我哋最 basic 想要嘅係城堡做 ballroom 主 backdrop﹐南瓜車做 pre-function area 嘅 decoration﹐同埋我哋 wedding 嘅 theme colour 係 purple + pink。

首先﹐ballroom 主 backdrop 係用咗 theme colour 之一粉紅色﹐呢隻粉紅色 tone 嘅絨布 backdrop 係市面少見﹐再加白色毛毛地顫﹐好襯而唔娘。同 May 講過我想城堡有燈光效果 (唔係單用白色﹐想要點藍色)﹐佢哋真係有記得我講過嘅嘢﹗仲有﹐細心到連城堡上面個名都跟返我哋個 theme colour !

(由於未有 official 相﹐得呢幾張朋友影嘅相﹐台上面係我哋嘅 photographer Dennis and lighting assistant 阿海﹐要你哋入鏡了)﹕

南瓜車都係﹐有我想要嘅燈光效果﹐引咗我一班女性朋友不停咁南瓜車同影合照 (呢個就係我一直想要﹐等朋友多個景點 )﹕

仲有﹐May & Andy 幫我哋解決咗 pre-function area 嘅 L字型加柱嘅問題﹐令 pre-function area 一點都唔似係L字型同埋有柱。

由於我一直想有多個 backdrop 喺 pre-function area 度﹐但係個 pre-function area 又無一個適合位置﹐May & Andy 利用柱位做多咗兩個 backdrop + “門廉”﹐令我散席後可以同朋友用呢個 pre-function area backdrop 影多D相。Andy 見我哋影得咁開心﹐仲好細心走埋嚟幫我哋放返個“門廉”落嚟﹐個 pre-function area backdrop 即時放大。放落嚟之後﹐唔講真係無人知道呢個係後面本來係門+柱﹗

門加柱 as 2nd backdrop﹕

另一條柱 (改善咗L字型 pre-function area):

相簿區就更加出乎我意料之外﹗因為其實我哋之前同 May & Andy 都無點傾過要點樣整﹐全個都係 May & Andy 設計。我見倒真係好開心﹐全部 die cut 都係我哋無要求過做嘅﹐仲有所有銀色葉﹑foam board (我哋多咗張大相呢)﹑放大咗幾張相﹑樹﹐全部都係 May & Andy design﹐全部係加送俾我哋﹐無加我哋錢 (平時其他公司會逐樣加錢)﹗真係好靚﹗

相簿區對面﹐係我哋 meeting 時我提過酒店有部三角琴﹐好靚﹐Andy 就提議用琴做 decoration 一部份﹐再加 disco balls 喺下面。當日﹐May & Andy 加送咗一個好靚嘅紫色樹﹐May 喺佢個 blog 度叫呢個做 Harry Potter tree ﹗好靚啊~﹗

Reception 檯方面﹐我提過姊妹會著紫色﹐如果檯又係紫﹐會撞色﹐Andy 就提議檯邊用紫色﹐檯面就用米白色﹐當日都做到﹐效果都好好啊~﹗

其實我一直都唔會將自己個名出現喺無私有化嘅 post 上面﹐但係我覺得 Dica Venue Decoration 真係太好﹐我一定要推薦俾所有準新娘 bloggers﹐所以決定將呢個 post 公開。

我真係好多謝 May & Andy﹐好有耐性 & 有 heart ﹐而且價錢合理﹐仲會因為想整靚D而加送 items 俾我哋。我好多親友都同我哋講個 decoration 好靚好靚﹐係當日最多人讚嘅一個 item 。

呢個項目﹐我俾6粒星  (5粒星為滿分﹐即是爆分﹐因為超出我哋預期)。

大家可以去佢哋度睇吓﹕
http://hk.myblog.yahoo.com/dicacapital/article?mid=994