相約聚會 ~ 鑽石手鐲

我因為患病, 認識了一些"同病" 嘅朋友, 星期六 ~ 我們又約埋一齊下午茶.

原來大家已經成年無見, 大家都忙於投入生活, 忙著尋找健康, 而我亦忙於工作及返學.

下午茶時間好快就過去了, 大家都依依不捨, 因為大家都唔知道自己仲有幾多時間, 仲有, 我如果已患病, 我會請願靜靜地 ~ 開心地活過每一天.

星期日, 係媽咪生日, 一家人一早約好要去慶祝 ~ 食晚飯.

一早, 弟弟(和佢一家) 就叫醒了我, 一齊去陪媽咪去茶樓"飲茶" (因為每天媽咪都係獨自一個人去飲茶) 所以今日真係好多人一齊陪下佢.

之後我又陪媽咪行下商場, 買了點東西給她, 好使她今天高高興興.

而我自己亦買了一份禮物給自己, 這樣禮物 ~ 我想了很久 ~ 很久, 想買了很久 ~ 很久, 不過一路都係唔捨得買, 亦好希望有人會送給我 (女人當然想有男人送禮物啦 !) 可惜, 我呢啲女人 ~ 無人送囉, 就要自己買囉!

這件禮物係 ~ 一條鑽石手鐲, 雖然都幾貴, 不過, 可以用信用咭 ~ 免息分期, 當係氹下自己開心囉 ! 我今日都真係好開心0架! 因為, 想要得到嘅, 今天都已經得到了.

你哋實話 : 有男人送鑽石嘅女人 ~ 先係幸福女人......這點我都好同意.

不過, 如果無人送呢 ? 自己都有能力買比自己, 都可以算係 "另類" 幸福啩!

(我其實好知道, 無人會成日錫你, 自己都會時時對自己好啲, 錫自己多啲.....自己都唔錫自己, 就真係攞嚟賤囉 !)