覆診日

又係半年一次嘅覆診了, 今日又係同公司請了~ 大假. 不想啲同事覺得病人大晒....

10點多, 在去威爾斯的路上, 令我又再想起 ~ 患病的那段日子...... 每3個星期去打一次化療, 隻手都總是覺得成日有針拮咁, 那段日子真是我一生的最大考驗, 曾經都想過放棄療程, 但係~面對家人嘅關懷, 我都好想爭取補償及修補同家人的關係.... 而且又得到很多朋友...Blog 友支持....

連續30次的電療, 每天都要去醫院, 令我覺得自己...不知捱不捱得過呢?

今日, 又重臨舊地..... 真係感慨..... 其實越近覆診嘅日子, 我心又再次想到 ~ 我會否~舊病復發呢? 如果真是~我又如何面對治療呢? 心裡真是七零八落, 忐忑不安.....

好彩, 剛剛見了醫生, 他幫我檢查過後, 話我情況良好.....心裡立即放下~心頭大石.....

我現在在癌症資源中心, 上網打發一下時間 ~ 因為攞藥嘅人太多, 應該要等一個鐘左右......

其實我都好想忘記~自己曾是病人, 可是總要面對呀! 我都好想在此鼓勵各位~患病的人, 努力活在當下.....船到橋頭~自然撞~吖嗎!?