西貢唐狗被拖出後死亡

西貢孟公屋一隻約一歲的唐狗，被困在兩間祠堂之間的罅隙四日後，消防員救出後，證實不治。

村民在年廿九(上周六)發現該隻唐狗「黑妹」，被困在只有5吋闊的罅隙，不能動彈，報警求助。消防員曾經嘗試用竹竿把牠從罅隙推出來，愛護動物協會人員也曾在牠身上淋上食油，試圖讓牠自己脫身。又有村民嘗試燒炮仗把牠嚇出來，但都不成功。有熱心市民及小童自動請纓，走入罅隙中嘗試救出小狗，但行至距離小狗3至5呎的位置，已不能再前進。

獸醫晚上向狗女注射麻醉藥，消防員再將繩圈套着狗身，再合力將牠拉出來，現場人士聞悉狗女獲救後，紛紛拍掌歡呼，但漁護署人員最終證實，狗女死亡，暫未知道其死因。

***********************************************************************

我今早先知道這件事，一整天都想著點樣可以救佢，而且不想佢受傷．．．剛剛新聞提要先知道佢已救出，真係開心到不得了．

點知，返屋企一開電腦，佢已經離開人世，去了彩虹橋了，我立即忍受不了，喊了出來，

好心痛呀！佢都係生命嚟0架！天知道佢受了多少苦才被救出，點解起祠堂嘅人唔用腦諗下，兩間祠堂之間的罅隙有可能發生種種意外，如果係一個小朋友入咗去，返唔倒出嚟咁又點？今次死了一隻可憐嘅狗，有冇人會諗下以後要點避免這些不必要嘅慘事．

『黑妹』你在天國開心地生活吧，我會叫龍貓天使照顧你，希望你早日安息！