舊同事聚會

星期一（17/11）已約好一班好好嘅舊同事聚會。由於上個星期，足足病了成個禮拜，醫生都睇了兩次，但係都仲係咳到死死下，隻腳又响夜晚瞓覺時抽筋，所以精神都係麻麻地，不過又好想見啲舊同事，唯有頂硬上啦！

我哋約咗９：００响旺角等，因為佢哋仲係返緊要輪班嘅工，而且仲係返１１點放８點添！終於等齊人都成９：４５了，我哋就去咗”肥牛火鍋”打邊爐 ~ 拾下拾下，我哋原來唔經又唔覺，識咗１０年啦！

大家又傾又笑，講番好多”低能嘢”笑到停唔到口，真係好開心，有咁多好朋友，而且我哋雖然唔係成日見面，但係就 keep 到啲感情都仲好好，講嘢又唔會就住就住，真係知心嘅好友。終於係凌晨嘅１：３０大家都要第二日返工，於是唯有散喇！

返到屋企都成２點幾，瞓得落床都成３點了，真係好攰呀！

但係第二日一早我就起身返工（我當然唔會為咗玩而唔返工啦！）所以就只係瞓咗３個鍾左右，我都提起精神，奇怪嘅事又發生喇 ~ 我竟然發覺自己個病好咗好多，冇咳 ~ 把聲都開番，唔通良朋一聚，真係好過食藥？

雖然呢幾日都好忙，但係情緒都仲好高漲，朋友 ~ 真係可以醫病0架！

大家真係要真惜 ~ 朋友真係唔易搵，又唔易 keep 0架！