@_@

        樓下有一間小食店 , 起初冇甚好感 , 因為種種因素 ----- 裝修極其簡陋 , 店名唔吸引 , 最令人感到害怕既係裡面有沙冰 , 珍珠奶茶呢 d 野賣 , 仲要係 2 個貌似大陸的人 , 向來買呢 d 野飲我都係 d 台灣連鎖店買 , 硬係覺得呢 d 飲到肚屙都唔知咩事 -.- ......

一次偶然食過個度 d 野 , 發覺原來又唔係難食喎 , 而且食完冇肚痛 , 於是以後夜晚肚餓時會走落去買野食 ...... 剛剛 ...... 正話落去買雞塊 , 因為個爐冇 , 個老細就特登羅出黎 " yam " 粉炸 , 係等梗既個幾分鐘過程中 , 見到佢搵廁紙抹個爐頭 d 粉碎 , 我係度周圍望 , 奇怪既我突然係比錢時同個老細講左佢 : 嗯 ...... 你呢度幾都乾淨呢 , 執得好整齊 ...... 個老細係度笑左下 ......

-.- ...... 諗返起有 d 覺得自己講野幾突然咁 ...... 不過我又真係留意左好幾次了 , 雖然係簡陋 , 但所有野都執得整齊 , 乾淨 , 所有用品擺得井然有序 , 唔會係 d 想要個樣野而又搵唔到個種 ...... 我好鐘意咁樣 , 每一樣物件都係某一個位 , 彷彿呢個位置係為它而設 . 整整齊齊 . =.=