@_@

        小學同學既聚會對我黎我真係好吃力 , 即使可能係 2 , 3 個月先出一次都好 , 最慘係推得 2 次唔可以再推 第 3 次 , 唔係陣間人地以為你做乜鬼野 , 有種焗住去既感覺 .

        去唱歌佢地實飲酒 , 我一定唔會去囉 , 所以有藉口唔去 . 成班十九幾廿人 , 我滴酒不沾 , 又唔鐘意玩骰盅 , 猜枚 , 淨係鐘意唱歌 , 但呢種場合唔洗旨意會唱到囉 , 冇揀故然之冇你份 , 有揀既都會比人唱埋 , 尤其係一 d 飲大左 , 亂西咁搶咪大叫 ...... 所以我覺得自己去到都唔知自己可以做咩 ?! L 話我唔應該同個女仔講到咁白 , 話去又冇野做 , 戇鳩鳩坐係度 , 錢又照夾咁多 , 話就算識左十幾年既 fd 都唔可以咁講野 , 嚇親人 , 以後唔搵你出黎都似 . 個女仔可能細個時就已識我 , 知我咩性格 , 聽完都冇乜大反應吧 ...... 又話當出黎聚下 , 成班玩下開心下咁 , 但我就唔覺得開心囉 , 你話有 1 , 2 個岩傾既 , 咁傾下計都話丫 , 但係我又冇乜邊個想同佢地傾 =.=" , 所以我覺得冇必要去咁 ......

        前兩日有 1 男 1 女補返生日去食飯 , 原先諗住食韓燒 , 後來其中 1 個男話前天食完唔想食 , 於是個男主角提議去和民 =.=" ...... 話個度 d 檯夠大 , 同傾得耐 d ...... 我冇理由話唔想去 ga 嘛 , 要成班人就我一個 , 而且人地係生日個位 , 我從來就唔會做 d 煩到人又對自己冇好處既野 , 反正快快手食完都係撇 ......

        下午先起身 , 乜都冇食過就直接出去  , 等位等一輪 , 一坐落又唔係即刻叫野食 , 又係度吹水 ...... 到終於叫野食喇 , 成班人 , 天婦羅得 5 隻 , 雞翼 6 隻 , 個 2 兜什麼飯 , 洗碗到冇人信 , 1 個人份量咁 , 個牛肉鍋 d 汁咸撚到呢 ....... 仲有 2 , 3 碟都唔記得係咩了 , 擺明唔夠食 , 諗住走先 , 打比 C 叫佢同我食棉棉冰 , 點知佢地叫我切埋蛋糕先走 , 仲比左我先 , 最後比個蛋糕搞掂左 , 頂到陷 ...... 我知 , 佢地係就我 , 我自己講真都唔好意思 , 有乜理由係比左我先 ? 不過都見切梗派梗咯 ...... 咪照要 , 或者佢地真係當我妹妹仔咁 ...... 因為 d 女仔見完我就話我仲成個妹妹仔 , 對住呢班人 , 我比較靜 , 小出聲 , 都係聽佢地講野多 , d 女既 , 唔係結左婚肥到豬咁 , 就未結婚都係肥撚到死 , 個個衣著又女人 , 唉 ...... 唔知點講啦 =.= , 可能係我自己問題吧 , 做文職既多數都係著到咁 ga 啦 ?? 而且大家都有返咁上下年紀 ...... 反而 d 男既就真係 keep 到喎 !!

        有時真係覺得佢地 d 話題好撚悶 =.= ...... 30 歲都黎仲講返以前小學 d 野 , 有條女仲夠膽死走返學校同個校工講野 , 個校工仲要係我地畢業後幾年先黎做 ...... 大佬啊 , 咪玩啦 ...... 又講埋好多唔知邊個黎既人名 , 雖則見咁耐咁多個我都記得係邊個 , 但係佢地突然再提 d 坐係邊個位邊個既 xxx , 真係唔知囉 =.= ...... 我明白 , 呢 d 咁既聚會 , 唔係講下以前 , 講下 d 八婆新聞 ...... 就真係冇咩好講 ......

        幸好咁耐以黎都冇人真正走埋黎問我依家點 , 做梗咩 , 結左婚未 , 我都覺得奇怪 , 成班坐埋都互問 , 係唔問我 , 可能我出黎咁多次都比較文靜關係吧 , 又或者有幾個女仔一早知我 d 野又已經係某次我不在場時講左 , 又或者係認為我想講既自然會講 , 其實咁仲好 , 省得我大費唇舌講自己近況 .

        講完 , 又係咁 , 唔講 , 又係咁 , 知又係咁 , 唔知又係咁 .

        根本成班出到黎講野睇落有講有笑 , 但係實質內裡空洞 ,擺明唔係玩交心個種 . 你知道人地 d 野又點呢 ?! 死人塌樓又好 , 變到好富貴 , 做什麼專業工作又好 , 根本都唔關自己事 , 眼前既人 , 只不過係個十幾廿年冇見既一個小學同學 ........ 十幾廿年都冇聯絡既一個小學同學 , 基本上同一個陌生人沒兩樣 .

同 C 去左食棉棉冰 , 係柯士甸路個間 , 飲食男女介紹過 , 我鐘意食一層層好似鉛筆刨碎既冰 , 多 d 味揀 , 唔好淨係得 d 乞人憎既士多啤梨芒果味 , d 配料要好小小既 , 唔好成日撈埋 d 狗屎垃圾冇 d 新意又冇得自己揀既配料 ...... 如香蕉 , 火龍果 , 椰果 >.<" ...... 叫左個腥腥王子食 , 係香蕉味既 , 加朱古力汁 , 配料係薄荷棉花糖 , 彩色既珠珠 , 1 隻朱古力味既珠珠賣晒 , 轉左熱情果味 , 咬落係 d 汁彈出黎 , 酸酸地 ...... 我諗朱古力味會好食 d =.= ...... C 冇 d 新意 , 食 10 年都係楊枝甘露 , 仲鳩 up 話成日同女去食 , 我話依家興食呢 d 冰啊 , 你講你有成日食都冇人信啦 !! 食到就食完時黎左 2 個女人坐係隔離 , 一個肥到死 , C 話我好比佢打對面坐 , 比個肥既頂住個位 , 搞到佢攝唔返入黎埋邊 , 2 條友 , 係度叫棟榴槤味冰 , 臭撚到我丫 ~ 索多兩野都死咁滯 , 反白眼 =.= , 真係想嘔個種 ...... 仲一路食一路講好似食梗真既榴槤 , 我食過小小榴槤係幾好食 , 但真係頂唔順個陣味 =.= .......

有 d 地方 , 係玩完都唔會覺得開心 , 玩完返到屋企反而覺得仲悶過冇出去玩時既狀態 ,甚至乎仲要多左重空虛感 . 我就係唔鐘意這樣 , 這樣我倒不如直頭係屋企好過 . 做人總係咁 , 唔係話唔想去就可以完全唔去 , 3 次 都要有 1 次要做樣 , 之但係走得 1 次得 1 次 , 避得幾多得幾多 .