終於都完成晒所有課程，鬆一口氣，連令我最頭痛既HANDBAG DESIGN 既FINAL PRESENTATION都搞掂埋，更令我開心既係，TUTOR話我既DRAWING進步咗好多，但我都厭棄我今次既DESIGN未到我自己既要求。
呢段時間，只係讀書同做人煮飯婆，生活實在好好好乏味。我發覺原來我真係唔適合做家庭主婦，因為每次我去到街市時就發覺自己好似亳無方向，喺街市度好似迷失咗，唔係好知自己想點，買咩，原因係我識煮既嘢實在太少，甚至有好多菜都唔知佢叫咩名...
所以我都幾肯定，平時好多人好羨慕既家庭主婦生活係唔啱我既。
呢段時間，我要盡快搞好屋企既傢俬整理，處理好就即去揾工，其實我都好佩服啲女仕可以事業家庭一同兼顧到，可能起碼佢地唔洗點做家務卦。最慘係就算比個工人我，我都未必得閒好多，因為我最鐘意任何事都親力親為，比老公見到我為佢呢頭家真係好俾心機架!
唉， 又要去買電腦枱，因為重有好多嘢要搞，星期六又要陪老公去釣魚，因為佢啲朋友巳叫咗好幾次，但之前因我既問題而推咗，我諗都應該係時候陪吓老公做佢鐘意既嘢囉。
