網誌分類：我和我家 |
圖片
網誌日期：2008-11-04 23:25
上個星期三，個肚仔開始有啲唔舒服．一心諗住又係食錯嘢腸胃炎啫．我見無疴無嘔，唔理佢，照返工．
至星期五朝早起身，發覺右腹嘅痛無改善，而且仲惡劣咗添．就連行步路，同吸啖氣都有困難．不過，我仍然決定返咗工先至算．面青青咁返到公司之後，決定請假去睇醫生，但因為多嘢做兼無人頂位，拖拖下又捱到收工．返到屋企煮埋餐飯俾兩位少爺之後，我個肚痛到郁都郁唔到，講嘢都講唔到．至愛見我咁辛苦，決定陪我去醫院睇急症．當時，至愛仲細心到攞枝柺杖俾我
，等我可以慢慢篤去醫院添，真係唔該哂佢
！
估唔到嗰晚一入院，醫生就即刻安排我入住喇！而且，一住就住咗三日三夜．期間，我吊咗三包鹽水，再加一包鉀水，抽咗兩次血
，驗咗三次尿，照咗一次X光
，一次超聲波．最後，醫生話：所有化驗報告指我一切正常，佢都唔知我右腹有咩事，總之佢就無哂辦法啦
．
唉！見個醫生”實下實下”咁，點會有辦法呢？最後，我見個肚仔無咁痛，就決定出院返屋企休養喇
！
直到目前為止，我都唔知自己身體邊’庶’出現問題
．（估計係大腸）
睇怕今回都要駛筆錢去解開呢個肚痛之謎咯
！！
床位單邊靠窗，開揚有景．三日三夜都係＄147.00- 抵住！
無遮擋，好舒服！
日日瞓喺度，都係望天打卦！
唯一的飯餐，之後只係食粥．
幾年前响同一間醫院，我隻左手就係因為咁樣，攪到而家廢咗喇！
今次我都好驚會出事．感謝主！今次右手平安無事．
~ 珊邊豆豆 ~ 2008-11-06 19:37
你住呢間醫院晌邊樹? 點解 $147 蚊咁玲丁嘅? 是否公務員家屬關係?
其實晌好多年前, 我的右腹及腰背部也常常出現痛楚, 做過磁力供振掃瞄, 又做過微創手術,連食藥打停經針都做過, 痛楚依然仍在, 大約在4年前又開始劇痛, 最後, 我照左腸掃瞄及腸鏡,原來是子宮內膜異位症的問題嚴重了, 在我直腸及膀胱/ 尿道的位置有一個 3cm 球況物體, 是由經血積成...即(子宮內模異位), 所以, 每當經期前後我都會痛到死去活來, 更必需 call 白車, 通常上了白車, 救護員一定給我聞 N2O, 即時止痛嘛 ~
在 05年, 醫生又給我另一種治療方法,可不用開刀, 託賴兩年來都能安然無恙, 但今年因有單訴訟及紅斑狼瘡病惡化, 所以, 連子宮內膜異位症都不能幸免, 原來一個病是可牽連其他問題出來的. 所以, 真係唔好比自己太大壓力呢, Take Care....
珊珊祝你身體健康 ~
主....永遠都在你身旁保護你 ~
少女2008-11-07 01:43
會員價 $49.- 一日!
原來我同你嘅身家(病歷)都差唔多喎
!
放心, 這些只不過是試煉, 主必叫我們承受得住
!
多謝祝福!
黃桑桑 2008-11-06 16:13
少女2008-11-07 01:29
唉...總之就一疋布咁長啦!
估唔到一粒黃豆仔, 就攪到我變獨臂神尼
.
施針嗰位護士果然好功夫. 我俾佢害死咗喇!
呢啲咪叫做專業(害死人)囉!