見證至愛第一金

今日係香港浸聯會第廿四屆陸運會，我哋一家人首次參與呢項活動．至愛報咗三項賽事（８００米男跑／跳遠／４x１００男接），我同仔仔就做啦啦隊，為至愛打氣．其實，今次係我第一次去睇至愛比賽，原來有粉絲到場支持同打氣，對參賽者嘅臨場表現，會發揮出咁大作用．

全日首場賽事，就係至愛嘅８００米男跑．賽事一開始，至愛已經帶頭領先，到最後二百米至愛仍然帶頭，而我同粉浸一班弟兄姊妹，仲有我個高大威細佬，响看台上不斷為至愛落力打氣．最後，至愛順利衝線，我就見證咗至愛人生中嘅第一金喇！嗰一刻，望著跑道上嘅至愛，我十分感動，因為至愛已找到自己的方向同人生目標．除咗呢一金外，我還見證咗至愛努力改變嘅成果添！佢呢份努力同積極，不禁令我佩服！其實，這也是我一直期盼同等待嘅改變呢！

感謝主！當至愛上台領獎時，我高呼：

榮耀歸與最高神！

至愛恭喜您！繼續努力啊！少女永遠支持您！