20091129-桂山十八鱸

日期：2009 年 11 月 29 日 (星期 日)
農曆：十月十三
時間：0630 ~ 1630
艇家：木根
釣手：Car、Tommy、Elsman、CKF
釣點：桂山一帶
釣法：艇釣手絲
釣餌：大眼仔
天氣：東至東北風，上午五級，下午三四級，海有中至小浪，有陽光，溫度廿度左右，釣得好舒服！
水質：三角一帶水俗，桂山邊一帶幾清，流水一般！

釣獲：桂山鱸十八碌，牙點兩條，芝麻斑一條，黃腳四條，火點三條，花或幾條，求其當四十斤魚！

後記：人人有鱸釣，無人打龜，玩得好開心，好玩過出十八堡睇喂魚！
今日戴生唔響處，無人同我爭魚釣，所以呔番幾條雜魚仔，哈~~~

根叔和釣友，全程玩鱸，我就呔兩條，收夠籌，轉玩蝦肉波子，費事爭食，順便讓兩位釣友破龜，波子呔番幾條立仔火點，巧開心，哈~~~~

根叔高潮...後遺症，七十幾碌，紀錄破不得，全日自言自語，睇怕又要搵戴生去元郎搵....女中醫師.....

阿 Car 淺水中大斑，被魚任砌，秒殺！
再中幾斤重既鱸，上水兩次都好有生氣，阿 Car 起頭有困難，被我撈失左，當日行一善，呵~~~
阿 Car 再中鱸，細兜，洗鰓，半空，一撈搞惦，費事又俾佢嬲！

Elsman 就玩抽空，抽水，抽上，抽落，抽出，抽入，呔兩條，九成抽上來，哈~~~

Tommy 艇頭一浪，底底都濕埋，可能隻蝦多陣味，勾鱸成功，唔駛睇表演，哈~~~

呔完魚，嘉豪開餐，兩圍人，無食我地 d 衰鱸，因為有 Joey 泰國飛機貨，十幾斤，魚雪了兩三日，但仍 keep 得好好，能夠過到我地呢班咀鯛人士，好味！

D 衰鱸，俾根叔扑完，條條暈暈地！

開始撈魚影相.....

我地艇釣獲！

山哥仔艇釣獲！有三條青斑，好野

http://hk.myblog.yahoo.com/pofaichow/article?mid=2646

忠仔記分豬肉，好香口！(最近唔多見阿思，會唔會係.....)

高蛇夏門手信，魚仔乾，唔錯！上次包魷魚乾好食 D！

Joey 泰國回來，我地食既瓜子斑，鬚鼠斑，老虎斑，好好味！

兩圍台，另外一台既碎蒸斑

西芹斑塊，雪了兩三日，肉質保持得幾好，好食！

嘉豪抄斑腩，有水準，姑姑火腩豆腐，唔係剩係老烈有得食，哈~~~

燒餓，正！

抄面，正！

兩圍人食飯，後邊是另外一圍！