20091108-七斤黃勒斑青山灣新記錄

日期：2009 年 11 月 08 日 (星期 日)
農曆：九月廿二
時間：0700 ~ 1645
艇家：山哥仔
釣手：羅蛇、戴蛇(青衣人)、老烈、CKF、老師 ( 艇上攝影師 )
釣點：青山灣
釣法：艇釣手絲
釣餌：養大眼仔
天氣：東至東南風 2-3 級，小浪，有雲，溫度廿幾度，釣得很舒服！
水質：水算清，流水緩慢！

釣獲：黃勒斑七斤三( 破左深海網青山灣黃勒斑紀錄 )！！！
紅油三斤幾、兩斤十二、兩斤，牛屎斤幾，油斑斤半，黃腳五條(六兩至磅頭)，青斑四條(十兩至斤半)，牙點磅頭兩條，石崇半斤，花或火點石狗一堆，約廿五斤！

後記：今日天氣水流好好，心中掙紮...出遠定出近，好難取捨！

最後決定，在釣得舒服為大前題，釣條斑仔食餐晚飯，開開心心又一 Day 之下，捨棄那些大大碌既大青斑！

七點幾到位，小弟上牙點仔，破龜成功！

番寨，山舟人叫撈磯，小弟正想幫手撈魚，感覺手絲一索，一抽，又中，頓時艇上手忙腳亂，山仔行先，先起魚，小弟唯有放慢手上魚，撈完山仔條紅油，再撈小弟條紅油，一網兩油…雙響炮，全艇笑俗顏開！

見隔離艇，都有大黑沙，好肥，有成四斤幾，再有鱸魚幾斤，耐何艇上配合失誤，魚走了！

見遠處，有四艇有黃腳起水，即刻加入戰團！各人..分工合作，有人波子呔黃腳，有人繼續呔大野；由於無蝦毛，唯有用大生蝦…撻死，拆蝦肉釣黃腳，都有五條釣上，算幾好！

羅蛇玩大細兩條絲，腳子公拉絲中魚，上手有上有落，十號炭，很定大野！魚一露面， 見黃勒，即潛，大家心情緊張，走口就幣…..好在大家都身經百戰，多番上落，黃勒斑成功上艇，有成七八斤，破哂記錄，金艇伊嘩鬼叫，歡呼聲震天，嘈喧巴幣，嘈過 D 飛機聲，哈~~~

殺手山再上紅油，青斑，老烈…轉玩波子…中牛屎斤幾，即問青衣人，打卡未？青衣人唸唸有詞...好想打………人，哈~~~~

轉戰大海位，青衣人上油斑斤半，好 Q 得戚，仲要學人影…有型相，反問老烈，呔左幾多條？烈生答一條，跟手俾人吋，波子唔計數，烈生即時無哂表情，X@Q&Y@#Z….兩頭望，想搵教剪，唔知想做咩！哈~~~

下午，唸住復仇，報兩三個星期前，十四號斷走口之仇，大海位守到尾，執多兩條青斑牙點，大物無影宗，收工！

 

小弟中既大紅油

羅蛇中既大黃勒斑，可遇不可求，點都要影番張相，嘻

羅蛇呔完條魚，做乜塊面黃黃地，哈

一早就中紅油雙響炮，好既開始！

羅蛇中既大黃勒斑，真係靚到不得了，睇到...漏哂口水

羅蛇破自己紀錄，由心笑出來！

羅蛇整多條大石崇，D 魚佢呔哂啦！

山仔上既第二條紅油，好令仔！

小弟中既....蕉大....牙點，好鬼 Cute ！影完相已放生！

呢條就是我地成日都釣到既....戴笨鯊..啦，哈

呢件就係..青衣人，大家見佢，要擰歪面，避開佢

真係想一腳...伸佢落水....妖....

D 魚放左血，都仲咁令身...

三條紅油，好鬼搶眼！

羅蛇例有既，魚毛湯....

幫條黃勒斑放血，小弟都怕左佢既擺尾威力！

太多好魚，搞到 d 青斑仔，無人理

黃勒斑，過磅...七斤三兩

響勝記門口等湯魚

啟業村大排檔，必食之選，蕉完雞翼，肚餓超好食！

咁好彩，撞到勝記有，蝴蝶蚌，鮮甜可口，必食！

黃勒斑抄球，香口一流，正！

碎蒸黃勒斑，正到無朋友！

山仔條紅油，連眼都俾人 o趙 埋，屎不永目！

好快，咁又清哂！

中式牛柳

淫懶煲，食完興合合

屎露脾至愛，牛河兜亂，証明佢好鬼麻煩

老師買既魚肚，大排檔加工，變粟米魚肚羹，魚肚多過粟米

第二日，廿蚊蝦，廿蛇蟹，海鮮餐，打邊爐，

尋日呔既大紅油，好正！

紅油肉，白滑新鮮，合我胃口！