快樂與傷感

瀏覽這篇網誌次數:
線上瀏覽這篇網誌人數:

~~~~> 長洲太平清醮(updated:15%) <~~~

想不到這幾天有那麼多blog友想看我去長洲的相片~

而且那天的網誌已有共2百多人來看過,

想不到篇網誌既收視會那麼好,

所以我也盡力琴晚update多幾張相上來啊~

剩下百多張靚相,有待處理中~嘻嘻~

************************************

原本今日我心情唔錯,正當我整緊今日d送菜相既時候,.....點知俾一個老人院既電話,令我情緒坎入低潮,係姑娘留言話我婆婆有事要入院,仲鬧我唔聽電話就告我等等說話,佢既語氣很不友善,我完全唔知佢講緊咩野,我即刻打電話問佢咩事,點知原來係婆婆今日被QE外展醫生睇過佢懷疑婆婆中風,所以搵唔到我就BOOK車即刻入急症,天呀!我今日放假成個下午屋企都冇電話打過入黎,我完全唔知道佢地只會打我手機唔打屋企電話囉,幸好我今日放假姐,如果我返工冇帶手機咁又賴我呀?跟住我問清楚至知道婆婆由姑娘陪佢入急症,我就問佢我應該過去老人院或QE急症?????佢就叫我去老人院,我咪即刻飛的去個度囉~在搭的士期間我的心情很亂,眼淚不停地湧出來,我不知道婆婆會不會中風說不到說話、不知道看不看到婆婆最後一面...腦子想了很多東西,也很亂了

因為姑娘同我講得好似好危急,我很怕這次就這樣失去婆婆,當我平復了心情到了老人院後,又同姑娘嘈左一輪,交左5百蚊俾佢至冇再同我嘈,我當然即刻飛的去QE啦,我見唔到婆婆又唔知佢情況點樣,姑娘仲話白車等唔到我就送婆婆入急症~早知我去QE仲好啦~我去QE個陣塞車所以好耐至去到,途中我收到QE既護士電話說婆婆已經上左病房,所以我上病房見到婆婆很精神很乖趟在床上,我才放心一點,我看見婆婆沒有什麼事,問左護士問清楚之後,至知道婆婆仲未見醫生,可是護士卻一直想趕我走,因為未到探病時間不可以探病,而且探病時間是6pm-8pm,正正撞左我返工時間,所以我洗好手巾幫婆婆抹下臉和手仔後,我只好早走了~然後我搭小巴返佐敦轉巴士返老人院拎野~順便同姑娘佢地講婆婆既情況~然後我就搭車返屋企,我仲即刻打電話返公司搵左陳小姐說聽日我只返2pm-6pm,因為婆婆探病時間只是6pm-8pm,我會趕唔切~因此知道婆婆暫時沒事後,又帶著疲累的身軀回家,剛才那樣走黎走去,身體好倦好倦~而且心情還有點低落,因為我不知道醫生看完她之後會不會確定婆婆是中風...

其實婆婆側頭已有超過一個月,現在外展醫生才來看他,護士說這次在QE入院就當是檢查一下...我還以為是婆婆側頭側得多才會令左邊活動能力差點...聽日我返工個陣要帶d野返公司,放工時帶d野去QE拎俾婆婆

---------------------------------------------------------------------------------------------

Copyright © 2008  Candy  All rights reserved  版權所有  不得轉載