在港生活如一輩子的惡夢

轉載由 discuss.com.hk - @野比大雄@

事先聲明，我重有工返緊，但做得好唔開心．．．忽發奇想，其實香港只係一場惡夢，有ｄ長，希望大家耐心睇睇。

　大家諗下，香港人，好彩屋企有ｄ錢，讀書又唔差，順順利利升上大學，畢業之後搵工。但係香港的求職市場已經不繼收縮，不少行業已經到夕陽餘暉，餘下的只有金融業，地產業比較發達，但事實上金融業，地產業極受外圍因素影響，一黎黎講只有幾年光輝，好似九七年金融風暴，沈左一輪之後又有沙士，到樓市有天日之時又碰巧金融海潚，現今經濟表面上有改善，其實不過係虛火黎，香港又唔知要沈倫幾耐先上返黎，但誰又保證國際市場會不會又來一場金融風暴呢？

　基本上係香港，畢業等於失業，好彩的話半年內搵到件工，唔好彩的話分分鐘成年都係失業大軍。但搵到工唔好以為上左岸，隨時又一個風暴打埋呢，份工都無埋。而且唔係個個香港人都咁有錢，比較窮困的港人要借錢讀大學，到畢業後即使搵到工，人工仍然打折扣還學費。再且，大部分港大的學歷都只是中五，中七程度，他們的人生路上就更加辛苦．．．

　香港係亞洲其中一個最長工時的地區，大部分有工做的港人都承受極大的工作壓力，包括變態上司老闆的對待，一個人做兩個人的工作，極長的工作時間，沒有員工福利，薪金低等等．．．只有少數好彩的港人能夠搵到份準時收工，少壓力，好老闆／上司的荀工，其餘的港人都是在極大壓力下生活，苦不堪言！

　因為香港的勞工福利極少，一年只有七天大假，沒有最低工資，更沒有工作時限，除時一星期返五十多個鐘都有！香港係有錢人話事，亦沒有民主制度，唔同外國有工會監測勞工市場，一旦有不利工人可以玩大佢抗爭，大家睇下外國成日有咩火車擺工，香港人可以咩？唔得，因為香港無一個良好的民主制度，無一個有權力的工會同一套良好的法例！

　隨之而來的就是正在香港上班的港人一日一日增加壓力，當港人有一日頂唔順的時候，就痛痛快快咁辭職。無錯，辭職果陣係好舒服，但當離開左職場之後面對的就是供不應求的情況！十個人甚至一百個人爭一份只有六千多元，要中七甚至大學程序，每週工作五十小時的”荀工”。當然亦不排除有小數真正的”荀工”出現，但試問大家又有幾何在奴工處的網頁上遇到？於是港人天天ｓｅｎｄ信去求職，但只是一次又一次的失望而回。

　即使港人搵到工，但正如上段所指大部份都是壓力極大，工時極長，薪金低的”荀工”，港人又要捱生捱死，等到一天捱不住了，又痛痛快快咁辭職，結果當然又是再一次步入失業大軍，唔知幾時才搵到一份”荀工”！就好像發完一場惡夢，醒返之後以前自己唔會再發，點知次次都係發返同一場惡夢一樣，香港人不辛苦嗎？