被拒絕的滋味

這個星期天很熱, 媽媽當然想帶小豆苗去沙灘, 可是超怕熱又怕煩的爸爸, 只肯往泳池, 於是一家三口便輕鬆的去暢泳.

今天太陽伯伯沒有曬正泳池, 和爸媽玩了一陣的小豆苗, 想和池邊有一個小女孩玩

主動型的小豆苗和媽媽說 : 我想同妹妹玩

媽媽 : 好呀! 你過去問下妹妹, 可唔可以一齊玩 ?

小豆苗開心的在水中行過去, 向著妹妹說 : 妹妹, 我地一齊玩啦!

小妹妹卻說 : 我唔同你玩

噢!小豆苗被拒絕了, 媽媽想也不是第一次被人拒絕, 不過也安慰對你說 : 唔緊要啦!  和爸爸媽媽玩一樣開心.

可是這一次你並沒有像以前一樣開懷, 以前的你, 別人說不和你玩, 你也照跟著一齊玩, 或者是自己走開繼續開開心心的玩耍.

可是這一次你嘟長了小咀說 : 無人同我玩, 我唔開心

噢! 媽媽的心有點酸, 多想立即生一個妹妹或弟弟和你一齊玩

這不是解決問題的方法, 而且在你成長過程你必然也會遇到同樣的問題

從中你會學懂被拒絕後怎樣面對, 還有點解被拒絕? 也在拒絕人時做得圓滑一點.

不過你總是幸運的, 一個叔叔看見你咀嘟嘟的樣子, 聽見你小可憐的對白

於是叫了他的女兒和你一齊玩, 你立即開心起來, 又在水中追逐, 扮小火車.....

以為你會開心番晒, 點知回家沖涼時, 你說 : 我唔開心, 妹妹唔同我玩

啊! 原來仍然介意著, 難道你忘了最後是有2個姐姐和你一齊開心地玩耍嗎 ?

媽媽 : 點解你唔記下有2個姐姐和你玩的好開心喎! 係咪!

這一次被拒絕的滋味, 一定令你烙下深深的印, 不過, 媽媽深信雖然你會怕被人拒絕, 可是你更加愛有人和你玩耍, 所以會繼續主動出擊.