網誌分類：小豆苗日誌 |
- 小豆苗沖完涼, 兩隻小手掌也有面霜
爬上梳化要和媽媽塗面霜, 兩隻小手在媽媽的臉上捽呀捽
被摧殘完的媽媽獲得小豆苗讚賞 : 好靚呀! 你好得意, 好可愛
連講兩次, 正在心花怒放的媽媽卻被小豆苗一句說話打沉了
小豆苗說 : 你好似聖誕老人
那個"老"字中了女人的大忌
- 小豆苗病了要吃藥, 叫你擔小椅坐低, 點知你端來兩張
媽媽 : 做咩搬兩張呀 ?
小豆苗 : 兩張先夠高呀麻 , 係咪先 ?
- 爸爸媽媽最愛看小豆苗吃醋的樣子, 當你和其中一人玩緊, 另一人就會痴埋去, 目的是想你吃醋
這一天你與爸爸玩要中, 媽媽抄作要錫錫爸爸
小豆苗 : 唔好錫呀! (點解呀?) 因為有鬚呀!
咦! 有埋原因, 比之前剩係識叫唔好, 是進步了
- 行街過馬路, 媽媽為求穩陣會捉住小豆苗的手腕, 點知小豆苗fing開
於是媽媽說 : 過馬路要拖好手, 危險
小豆苗 : 唔係呀! 你拖好d啦!
原來小豆苗要媽媽拖手, 不是手腕, 愈來愈多要求了
