一噯二咀三換掉

小豆苗最愛睡覺, 初生的小豆苗在醫院時, 其他BB大喊要飲奶, 小豆苗卻在睡覺, 媽媽要花九牛二虎之力才可叫醒你 (姑娘話要定時餵奶, 不可以只比睡覺, 因為小B唔喊要求吃奶, 不是不餓,只是太餓無力喊), 技倆包括傾偈(費時睬你), 換片(ok啦! 好乾淨), 濕棉花抹臉 (左擰右擰), 媽媽不氣餒再試, 終於你睬媽媽了, 就是大喊起來, 仲要係不停個隻, 之後媽媽精了, 就是待你睡醒才餵奶, 不敢打擾你睡覺的雅興.

3星期你就戒了夜奶, 不識趣的媽媽又怕你餓, 半夜吵醒熟睡中的你, 結果奶就唔飲, 只是不停大喊, 直至放回小床, 你立即睡了.

9個幾月的小豆苗, 最愛在睡覺時反身, 媽媽高峰期一晚起身十次

之後是媽媽的收成期, 因為你實在太乖了, 一覺睡至天光 , 就算中間有喊,媽媽只須出動第一招"噯" 之後就可再睡覺, 噯(小拍拍)也不可行, 媽媽就出動第二招你的好朋友 "奶咀大哥", 這個好友通常令你可睡得好好的, 最近又有新花樣, 愛乾淨的你, 不可容量片片超載, 你會喊..喊...直至媽媽幫你換片, 你便會乖乖的再睡了.

一噯噯,二奶咀,三換掉濕片片, 小豆苗便可快快樂樂的睡覺去.