11月16日 上海大閘蟹之旅 DAY 2

原本打算今日去朱家角行下, 點知一早起身見到出面超大霧, 連對面明珠塔都睇唔到...算...行動有變, 改係市中心行下

先去黃河路食早(午)餐, 去到佳家湯包時巳經超長龍, 起碼排成個鐘, 於是過對面小楊生煎, 買左1兩生煎包 (HAHA RMB4/兩 = 4隻生煎包) 邊食邊等

大力推薦 ->包底超脆, 勁多湯, 正      第一啖D湯爆到成地都係... HAHA 

食埋生煎包都仲要等成45MIN先到我地, 足足1HR...

乜都唔諗就叫左純蟹粉小籠包, 淨蟹粉, 冇豬肉... 以為自己食緊蟹... YUM YUM

食飽正式去明珠塔附近行下, 今日超大霧, 與其要俾百幾蚊上明珠塔睇"霧", 最後都係算把啦.  係附近行左1陣, 都係覺得酒店房睇既夜境靚好多, 抵俾啦 HAHA

俾預期早完成"行程", 傻更更地番到人民公園, 為左行美術館

首先去我至愛既當代藝術館... I LIKE IT...

超搞笑地, 藍精靈, 比卡超, KITTY 同 MIFFY 都變成史前化石... HAHAHA
留意藍精靈隻手都係舉高左, 仲有比卡超化石條尾都仲閃電形 HAHA SO FUNNY

美術館天台係露天CAFE, 地方好靚, 四圍都係樹, 超好VIEW

飲完野, 過去另一邊既上海美術館. 咁岩係上海雙年藝術展, 唔怪得由尋日上機開始到岩岩去完既CAFE 都見到好多藝術界名人啦
門口放左架大火車, 好型
 

有趣既係, 所有展品都唔多見有作者既名... 鬼知邊個整既咩
唯一認得既就係成條走廊都係貌似岳君敏既人頭恐龍... 大大細細都有成幾十隻, 好得人驚...

行完雙年展出黎巳經天黑, DINNER BOOK 左新光酒家, 未夠鐘再番黎南京步行街行下. 永安百貨

係沉大成買左個"金團"食, 都幾好味

腊豬頭... HAHAHA

好味新疆串燒..認住呢個大叔啦, RMB2/串, 佢D串燒最正經, 其他果D染到唔知乜野色....俾都唔敢食

電車改裝既BAR

搞左好耐, 終於夠鐘食DINNER, 我地BOOK左出名食蟹宴既新光酒家, 全程唔落手自己拆蟹就食左10隻大閘蟹, 超正... YUM YUM YUM...

頭2味都好清...

淨蟹箝20隻                                          蘆筍炒蟹腳

影完未啊?

"清"炒蟹粉 (清在那裏? HAHA)           蝦蟹魚肚羹

等左成晚, 終於等到蟹膏燒銀皮, 即係蟹膏撈粉皮, 超封喉, 呢個真係好好味...

最後蟹粉小雲吞                                   蟹粉拌麵
包

全程唔洗自己拆蟹, 正... YUMMY...