日本行（六）：旭川梅光軒入口即溶叉燒拉麵

＊梅光軒是旭川著名老牌拉麵之一。

＊牆上好多名人留言，雖然睇唔明，但都意會到呢間店應該幾掂。

＊我的醬油招牌麵因為太好食，差Ｄ唔記得影低佢～

＊朋友的鹽拉麵，清清地，佢話好啱佢胃口。

＊看圖揀拉麵，唔驚唔識嗌。

我地曾經在札幌的拉麵共和國見過梅光軒的大名，仲見佢係共和國內人氣第一的拉麵，於是在旭川街頭閒逛時，就對梅光軒有印象，當然要試試啦！

果然，位於地庫的梅花軒人龍不絕，牆上仲貼滿唔同顧客（應該係名人卦！）的讚賞留言，呢間拉麵店真係都係唔野小。

我揀左醬油叉燒招牌拉麵，1000日圓（折合85港元），超級大碗，有五六塊厚叉燒，叉燒雖然有一定厚度，但居然都可以入口即溶，在香港絕對唔會有咁正的日本叉燒！醬油湯底超級濃郁，同樣係我至愛。不過，呢碗麵實在太太大碗，平日我好少食唔晒咁浪費，但真係多得太緊要，結果最後都要留下少少叉燒同埋拉麵。朋友的鹽拉麵，湯底較清，朋友好鍾意，我試過一啖，清得來味道仍濃，不錯呢！

人龍拉麵店，果然名不虛傳！

旭川梅光軒

網址：www.baikohken.com