打winning 記 (奇遇)

兩星期前, 我, 細佬, 堂哥, 姪仔4個分成2組打winning.

我同堂哥用曼聯, 對手係車路士.

結果, 我隊3場賽事皆落敗.

e 個仇一定要報啦!

今日早上行完山 (之後再補相), 下午就去打winning!

頭兩場比賽, 曼聯不幸地輸兩場 1:2 同 1:3 (明明吹12碼, 點知比得益曼聯射埋, 被龍門撲左, 其實全世界都認為係12碼......又一次雲達沙發傻, 個波回到他身邊都冇反應, 慢流尾袋......)

即是說, 連埋上一次, 曼聯連輸5場, 咩面都冇...... 

第3場, 當然火都黎, 0:0既時候仲剷起球員, 領紅牌離場, 點知有多d空位, 比我地偷1成功贏返場2:0!

第4場, 延續上一場氣勢, 再贏一場2:0! 即是車仔有2場冇波入!

第5場車仔唔輸得, 結果又勝回3:1.....

5場比賽既特別之處, 係入波先既一隊, 最後都可以勝出!

那麼第6場呢? 車仔75分鐘領先2:0, 那時其中一個球員粗野踢波, 領紅牌, 曼聯立即扳回一球. 往後曼聯加強攻勢, 車仔迫不得已, 繼續踢茅波, 諗住拖延曼聯攻勢, 點知踢下少一個, 踢下又少一個, 仲比曼聯88分鐘追回2:2!! 那時車仔只有7名球員比賽, 不過他們還想係完場前偷雞.......好在雲達沙撲倒!! 到加時, 車仔一心守波, 不過多打4個球員既曼聯, 當然入波冇難度, 加時上半場已經3:2反勝! 到加時上半場完的一剎那, 車仔球員惱羞成怒, 一下不是十分礙眼的犯規, 都直接比多張紅牌, 以免球員打架, 結果曼聯在對手球員不足下勝3:0!!!

好呀! 打成3:3, 最後一場比賽作勝負!

果然, 曼聯先入波, 可惜廾仔極力反撲下連入2球, 最後我隊係無法報仇!

不過對手都已經輸了風度呢........(未試過打機, 球證會出示5張紅牌給同一隊伍而完場)