成功買醉的一天

15/Dec/2007 星期六
晴天, 風和日麗
      

今日是一日好唔開心的短週假日, 11:45 便起床的我, 梳洗了就上香俾爸爸, 之後便返房打她借我玩的 NDS, 直到 12:00 左右家姐竟然叫埋我去飲茶, 更話明係佢出錢請, 哈哈...有人請飲茶梗去啦...!!! 而媽媽又一於平時一樣, 係度要先去酒樓搵位, 開定茶等我地一到就可以叫點心食, 這樣為仔女的媽媽, 世上唔知還有幾多個呢...??? 但我知我媽媽是其中的一個...!!!

一行五個 (媽媽, 家姐, 我, 細佬業及小表妹)唯獨欠了細佬賢因返工, 而未能與我地飲茶, 我們由 12:30 食到 13:40, 就埋單走人回家去, 返到屋企都只係 13:50 左右, 個個件冇事好做, 相繼去睡午覺, 而媽媽就去了馬會收錢, 我見有點感冒, 食了藥也去了睡, 直到 17:20 左右, 我的手提電話響個不停, 但因睡意仍濃, 我一個電話都冇聽, 到 17:35 我才忍受不到那電話響聲, 才拎起個電話睇睇是誰打來, 原來如我所料, 又係百佳阿頭打來, 但我最後都係冇聽佢電話, 只係聽佢留言便算, 點知一聽竟然係連串的責罵聲, 如果那時我係直接聰佢電話的話, 一定鬧到我無地置容, 洗了留言之後, 想了 10 分鐘我才打返電話俾百佳阿頭, 今次輪到佢唔聽我電話.

見搵唔到百佳阿頭, 我都係先攪掂大陸新及大陸慧裝辦的問題先, 經過一輪的長途電話搖控之後, 總算解決好了他們的難題, 之後我就再去睡, 直到媽媽叫我食飯才出廳, 食完飯我就返房打埋昨晚的日, 但之前的日記好多都已忘記那日做了什麼, 唯有都係由得那日的日記留空算數, 一直打一直打, 打到 23:00 我才打完昨天的日記, 雖知約了金毛威佢地 23:00 係酒吧見, 但因佢地次次都遲大到, 我也學了他們遲一遲才出去.

雖然我今日差不多 23:10 才出門, 但我也特意棄直達之巴士, 而改為坐小巴出旺角再轉巴士, 已縮短我坐車出去之時間, 最後我都趕及係 23:50 便到了酒吧, 一坐底就已見金毛威之二家姐 (靚媽咪) 及姊夫 (四眼方), 平時係公司真的好少特意約出來飲野, 今晚真高興可一切暢飲傾計, 而且今日又係聰明銘的正日生日, 個個一坐底就第一時間敬了聰明銘一杯先, 有 d 更遲來的雖然已過了 00:00, 但也齊齊敬佢一杯, 大家一路猜枚飲酒傾計的話題, 8 成都係圍繞我那位百佳阿頭, 而四眼方更提意叫我轉去佢部門工作, 好過繼續出去搵工咁麻煩, 不過因採購部我真的完全冇做過, 而佢佢地平時返大陸的時間, 次次都係唔見人幾日, 想想都有點怕, 但是依然對住百佳阿頭, 我也遲早會同佢抄大鑊的, 最後我都只係答四眼方要考慮一吓才覆實佢, 之後當然係繼續大飲特飲啦...!!!

飲到 02:50 四眼方與佢老婆大人 (靚媽咪) 就先走, 其後就係壞人偉及大眼仔, 而我, 金毛威, 太子珏及聰明銘就繼續與班拳手猜枚, 直到班拳手係 03:30 放工走人, 我們才休息一陣, 之後金毛威個 EX 來到我們又繼續猜枚飲酒, 直到我醉了睡著為止...睡到差不多 06:35 酒吧打烊, 我們才離開酒吧去坐車回家, 一於以往我地都係坐的士出旺角轉車, 但因我已醉醺醺的, 一上巴士就睡到落車, 行回家時個人都飄吓飄吓咁, 回到家換了衫, 涼到冇沖, 連日記網留位都去留, 我便睡著了...!!!

其實我回家的印象只是...由離開的士都望了時間一次係 06:50, 只知只有巴士可回家就去了等巴士, 之後就係落巴士那幾秒, 最後就係開門入屋, 在這些時間發生了乜事, 做了乜野, 其實我是一點印象也沒有的, 好彩的係我平安回到家, 而且身上的錢財一毫也沒有才到, 下次都係不要因工作唔開心, 而係咁追酒飲啦...!!!