無理取鬧的一天

04/Dec/2007 星期二
晴天, 風和日麗
      

日 09:35 返到公司, 第一件事又係俾百佳阿頭叫了入房鬧了半個鐘, 昨日就鬧我唔聽佢電話, 今日鬧我的話題, 原來係話我冇乜點理佢, 那個當仔一般的大陸新, 當中有 14 份樣辦的資料錯漏百出, 鬧我竟然一點都不知道, 係百佳阿頭鬧我的那 30 分鐘, 我一句都冇駁佢, 就算回應都係那幾句 : "我 check 多次". "我問清楚先", "我即刻問廠", 佢越鬧得激烈, 我就更軟皮蛇的態度, 最後佢見我已冇反應, 便趕我出房, 叫我半個鐘之內好處理佢要我做的事情...!!!

返埋位之後, 我冇理會百佳阿頭剛剛鬧完我的說話, 繼續尊心去裝辦, 不過心情當然係生人勿近那種啦...!!! 奀妹琪就係第一個觸礁, 而壯烈犧牲的勇士, 之後就連手辦師傅的下屬, 也成為我發炮鬧爆的死士, 不過炆還炆我都好努力裝哂今日要求的那份辦, 也因炆炆地, 冇人敢再來煩我, 一個可尊心裝辦的早上, 也好快的便到了 13:00 去食飯...!!!

食完午餐返到公司, 心情算係好了點, 這全因百佳阿頭又北上工作的關係, 怒氣也消了點, 平心靜氣下裝辦特別快手, 做到 17:30 我就將所有辦俾哂奀妹琪, 之後就塊埋 d 野等收工, 不過我都磨到 18:20 才走得, 但因架小巴行下路冇上橋直出旺角, 攪到我去到朗豪坊時, 已是 18:40 的事, 會合了她之後, 我們都行了陣街才去食野, 但她因已食了點野, 唔多肚餓, 我也不太想到食乜好, 她卻遷就我而話去麥當奴, 但因坐位問題, 我地都係決定去第二度食, 最後都係決定去附近的吉野家食牛肉火煱, 哈哈...以為不太好食, 原來都幾好食的.

食完我地行多陣旺角才坐巴士送她回家, 去到她屋企樓下的公園, 我們坐低傾到差不多 00:00 才送她入大廈, 之後我才坐小巴出旺角轉車回家, 返到屋企已是 01:00, 上日記網留完位就出廳睇埋只剩半隻的妙手仁心 III, 之後才返埋電腦枱打日記, 不過我又打打吓睡著了...直到 04:20 我才因睡到撞到個頭才醒, 之後我就當然快快手熄機上床睡覺去啦...!!!