遺憾的畢業典禮及失望的匆忙見工的一天

26/Oct/2007 星期五
晴天, 天朗氣清
      

原來今日想係 08:00 起床, 結果懶訓的我係 08:35 才知醒, 梳洗換衫之後, 我便趕去坐車去學校搵她, 09:20 手打按了接聽鍵, 就聽到阿頭的來電, 今日我明明請了假, 卻俾佢鬧了一大餐, 頓時心情真的由開開心心, 變成死氣沉沉, 而且更係度想, 今日見的那份工, 是我想去見的, 定還是我因她之前的說話 : "你其實唔會走, 就算見了工都未必去做的...!!!", 其實唔想走是真的, 因現在公司的運作模式是由我一手攪起, 真的不會因一個人的處事問題, 而令我離開這公司, 但最令我不明的是個個男性朋友都支持我轉工, 唯獨是她與問題真卻應為我一定不會走...!!!

09:30 收到她的電話, 她說已到了學校, 著我都了學校再致電給她, 09:40 我也到了學校, 可是我打極電話給她, 她都一直沒有回覆, 留言都留了幾次也是如此, 直到 09:55 她才覆我話俾我知她媽媽來了學校, 叫我暫時行外陣, 我這見不光的男友, 真的想不到去那裡好, 始終這是學校, 我是外人, 應該去那裡好呢...??? 最後我只係坐係露天的大樓梯, 曬住等她的電話...!!!

等等等...等了一個鐘, 見她仍沒有聽電話, 也沒有覆我 SMS, 於是我就行了去國際都會廣場行了一陣, 見那裡有冷氣又有椅坐, 直到差不多 11:00, 她才再打電話給我, 告知我她媽媽已走了, 唉...這句說話我終於可以再見光了, 但這時其實我已不知何來的累, 加上係街游盪了近 2 個鐘真的有點累, 見到她時她仍與同學影緊相, 我唯有又坐埋一邊等她, 為免阻礙其他人影相, 我便坐係個角位玩自拍, 就係這時一個女人叫我行開, 因要用我後面的背景影佢個仔, 但我真的不知為何佢地會影.

此時她正好叫我去影相, 雖然一早有幾件唔開心的事, 但今天是她的大日子, 我也努力控制情緒, 不過她也感覺到我有不快的心情, 與她影影吓相, 我們又俾剛才叫我行開的那家人趕走, 原因都係一個, 阻礙佢影佢個囝囝畢業囉...!!! 今次我真係炆炆地, 直頭影埋佢地一家人, 打算放上網作弄佢地, 雖然最後都有影到那個景, 但我的 EQ 已真的有點失控, 真的越來越炆, 更令我不想去見陣間那份工, 影到約 13:10 時, 她見差不多夠鐘行禮, 那攝影師及她朋友就先行走人...!!!

13:15 她登記之後就先入禮堂, 我就要等到 13:35 才可以入埸, 一入到埸我就搵了個最前又正中的位置坐低, 那時她也發現我沾了我好位, 大舉拇指贊的叻仔, 當我 set 好相機時才發現因燈光問題, 我部相機點調教都會影到懞查查, 完全影唔到張令我滿意的照片, 但她行禮時我也照影可也, 但效果當然係我不能接受的啦...!!! 但無計, 始終燈光及距離問題, 我部相機也盡了力. 儀式過後出去露天影相, 而我也一直與她到處搵老師, 教授及其他同學影合照, 影影影係咁影, 影到差不多 15:05 我們才去小食亭食點免費小食, 她見我每每看錶知我夠鐘去見工, 本來我叫她留下繼續與同學影相, 但她也知我想她陪我去見工, 於是她寧願跟我走, 也不願留下影相...!!!

15:30 去到巴士站, 她好努力的為我搵架可到見工的那公司樓下, 而我就不知何來的感覺, 完全不想去見工, 只想留下為她繼續影相, 可是見她這麼熱心, 我也順她心意去見工, 就係上車的時候, 我才發覺我唔見了八達通, 這八達通是她第一份送給我的禮物, 怎也想搵番張八達通, 於是我便帶她回學校, 希望搵得番張八達通, 尋尋覓覓始終我都搵唔到, 最後竟是她出手我才搵得番, 我已絕望的八達通, 真的估唔到有價值的八達通, 竟然冇人貪心 "據為己有", 之後她仍鼓勵我去見工, 始終不願留下照相, 最後我也聽從她的說話見工去也...!!!

16:35 上到新公司見工, 等了 5 分鐘就見到人事部的職員, 她帶了我落下一層的辦公室, 一入去就見到佢 d 同事係度食緊下午茶, 嘩...乜這公司可以咁 Feel 的, 雖然我係見工, 但這麼事肆無忌憚的係度食野唔做野, 感覺真的唔好, 經過 20 分鐘的對話之後, 我已有十之八九應該唔會請我, 因有 d 問題我知自己答得唔好, 離開這公司之後, 我就去搵附近等我的她, 此時原來她係附近的吉野家食緊自己 (烏冬), 哈哈...等她食完之後, 我們就坐電車送她回家, 不過去到她家樓下, 我才話肚餓去麥當奴食飽飽, 食完之後, 她卻因知我累, 硬係要我上車先走, 她才回家, 有時真的不知她想什麼, 事事都為我著想為先, 但其實這時我係感覺到她有點不開心, 但就估不到是什麼...???

巴士開了之後, 她目送到見唔到我才走, 而我也與她傾電話, 直到她回到家為止, 19:20 去到旺角, 此時收到愛荔枝的電話, 佢話約了細妹食飯, 問我有冇時間一齊食, 有人請我又點會唔去啊...!!! 19:50 便出到荃灣, 會合了愛荔枝之後, 就陪佢買波鞋, 不過最後都係由佢細妹話事, 愛荔枝才買了對波鞋, 不過俾錢之前, 愛荔枝都好唔係太信佢細妳的眼光, 係都要問埋我意見才俾錢買了那對波鞋, 之後我地就去附近的明星酒樓食大閘蟹, 哈哈...今次已是我人生第 2 次食大閘蟹, 我比上次更用心去將這隻大閘蟹拆骨去肉慢慢食, 我地食到 23:10 才埋單走人...!!!

與愛荔枝分道揚鑣之後, 我便坐車回家, 返到屋企與她傾了陣 MSN, 她就 Offline 了, 00:00 留了位之後, 她仍沒有再 Online, 留了位之後, 我就出廳睇埋今日大結局的妙手仁心 II, 之後再返房打日記, 03:50 我才去沖涼, 沖完又係繼續打日記, 直到 05:35 打完了星期三的日記, 我才熄機去睡覺...!!! 到我去睡時, 仍未想到她那會因何事唔開心...???