開開心心食十蚊拉麵的一天

15/Oct/2007 星期一
陰天, 多雲微風
      

今日返工冇乜野做, 主要都係追辦期為主, 都沒多大煩惱野做, 不過果三隻福祿壽又點會放過我, 一早返到公司奀妹琪又係度問 d 辦情況, 見係佢我也用心的追間廠係咪可如期到到來啦...!!! 10:40 問題真一返到來都係追我報價, oh...sorry 一早已報好, 交埋俾阿頭, 只係阿頭未俾佢, 哈哈..., 11:00 大隻盧也返到來, 唉...佢就好啦...日日都可以咁遲才返工, 佢一返到來都係問一樣的問題, d 辦幾時交, 我就繼續上星期的答案...下個月中, 打發埋佢之後, 我就與肥仔鄧一樣, 成朝係度 Hea..., 13:00 準時去食飯, 明天有超級金多寶, 一於買張博一博先...!!!

食完飯返到公司, 我就開始多樣野造, 就係裝辦啦...!!! 奀妹琪見到份辦可以裝, 也老懷安慰般返了埋位就算, 不過份辦我最後都係俾了師傅裝崁算數, 因為我真係要花點心力去攪掂大隻盧份辦, 睇睇 d 廠可唔可以提早交來, 但結果係...未知道...!!! 這答案可能係我意料之內, 所以沒有太大的感覺, 但大隻盧就一臉愁容的返了埋位做佢 d 野, 18:25 我才放工走人, 比肥仔鄧遲了 25 分鐘走人...!!!

返到屋企阿媽奇怪的問我 : "仔, 你唔係話唔返來食飯嗎...???", 我笑笑的只答媽媽 : "飯我就出去食, 湯就梗係熱飲才有益的, 而且她都未返學, 飲埋才出去都未遲...!!!" 飲完湯又係返房打了陣日記及 Online Games, 20:40 睇完同事三分親之後, 我就出發去接她放學啦...!!! 本來計過應該可以係 21:35 去到學校, 點知計錯時間, 一來落到樓送車尾, 二來又係塞車礙事, 攪到她放了學打俾我, 我仍在巴士上, 唯有轉軑約她去壽司店等, 落了車我就急急腳趕去, 而她與我邊傾電話, 邊跑跑跳跳彈吓彈吓的趕來, 哈哈...最後都係我比她快一步到達, 她來到之後我地就入去食會員價 $10 碗的叉燒拉麵...!!!

不過我們除了各食一碗 $10 拉麵之外, 也叫了兩碟壽司及一客小食品嚐, 食完之後我與她就開開心心, 邊行邊回味這餐美味的晚餐, 本來我想與她坐巴士返去, 那我就可直接送她上到她家樓下, 但去坐巴士也要行近 20 分鐘才可坐到車, 而她一早已話很累, 最後我都係決定直接坐地鐵送她回家樓下的車站, 目送她出閘之後, 我就轉打電話陪她回家, 而我同時悖慢慢的行去坐地鐵去旺角轉小巴回家, 得知她回到家之後我也安心收線, 邊坐地鐵邊睡覺...!!!

00:25 返到屋企就快快手開電腦, 同時也快快手換衫埋電腦前, 00:30 留了位之後, 今晚我竟然睇返已冇睇幾集的妙手仁心, 睇完與她傾了一陣電話, 我才去沖涼, 之後當然又係指定動作, 補打日記, 進度好慢, 唔知要花多多才日才可補打完呢...!!! 始終舊的未打, 新的好難有時間打的, 05:40 打多了 2 份之後, 我就熄機上床睡覺去...!!!