禍不單行

今個星期真係非常極之唔好彩,唔夠訓身體差仲俾同事惹到病左!

星期三本來都已經有鼻水又周身骨痛無力,仲要戴住口罩開工,有d透唔到氣既feel,

星期四朝早好疲倦,當然請假睇醫生啦,點知政府醫院個預約電話打極都話滿位,

打去第二區居然話我未睇過果間唔准book! 咁即係有心唔俾我睇姐!

谷鳩氣走落街睇私家,點知睇開果個醫生星期四休息! 呢d咪就係叫做禍不單行囉!

受到太大打擊唯有返屋休息下先諗邊度睇,點知特然又有電話打黎,

係銀行話我張信用咭昨晚留在店舖(係又一城間PK),所以己經同我cut左!

我諗返起係個百佳收銀慢手慢腳到我同貓都唔記得攞咭!

仲要係慢到我地放好晒汔水薯入袋佢都未搞掂又唔主動俾返我地!!

我真係嬲到不得了,打去鬧鬼佢個經理,新咭仲要下星期先攞得,

我無咭用之餘又要特登搵時間搭車去攞返張舊咭,好受氣!! 大家都要小心呢間野呀!!

喉嚨痛仲要我打咁多電話去cut咭,confirm,全部單轉繳費方法,好嬲好嬲好嬲呀~~!!!!

之後休息到日落先再出得街,既然周圍都收,我就睇返以前睇過皮膚既法國醫院,

因為佢24小時都有得睇,所以我今次就去睇普通科門診,登記同埋等睇都好快呀,

而且個醫生一俾就俾左兩日假,連埋星期六日就真係可以好好休息呢!!

相信呢件係全個星期唯一遇到的好事吧~

---------------------------------------------------------------------------------------------

今個月收到另外兩份政府合約話請,但係唔夠我做緊呢份好,所以我已經拒絕左,

連政府工都要搵返waiting list黎做,看來就業市場真的恢復得七七八八了~~