國家地理雜誌野生動物頻道

我由上年香港寬頻續約開始就加左可以睇收費電視,

因為佢話每個月上網費加多十幾元就有得睇除左色情頻道以外既台,

有埋國家地理雜誌既頻道同埋動畫台,我覺得價錢都合理,就續左約,

不過因為果時我阿媽同阿哥搬野唔知搬左條線去邊,搞到一直都睇唔到,

跟住到昨日搬野又搵得返,一駁左就即刻睇得返,當堂開心晒!

今日就睇左好多蛇既節目,以前原來錯過左好多,真係幾唔扺!!

我覺得咁多個台都無咩好睇,卡通台都係普普通通,

唯獨係國家地理雜誌會部既台就好有睇頭,尤其係野生動物頻道,

睇電視我幾乎只會睇呢個台,其他無線亞視除左新聞就無咩好睇,

所以我地屋企個廳係無電視既,要睇就入媽媽房睇,

咁其實嚴格黎講我算唔算浪費金錢呢?

不過係野生動物頻道真係好好睇~