今年書展無野睇...

唉~今年書展真係side氣~完全無睇頭,買得4本書!!!幾乎空手而回~

今日黃昏約左朋友K君同埋公貓一齊響尖沙嘴坐小輪去會展,

當局為控制人流,將路線全新安排,行左半個鐘先入到會場,浪費唔少腳骨力~

去到就更加覺得唔對路,三樓個場得d唔入流既書同埋充斥住班港產av女優寫真集,

真係有野值得買既係得一檔德國3D明信片,我地買左幾張,真係幾靚下架~

除左太空,仲有地圖,但唔知點解無德國,得返奧地利,意大利同英國地圖明信片,

上佢個網( http://shop.mbmsystems.de/ )睇返,可能德國果個整得特別靚一下就賣晒:

而公貓就買左<天空之城>彩色書全套,我覺得係宮崎駿動畫之中最好的一套作品~

之後無引,落到一樓大場就似返d樣,我地幾乎分開行,但係超多人,行得好辛苦!!

行過次文化堂的攤位,買左本<狂插煲呔>黎睇,返到屋企先發現原來好悶...

因為以前都買過<老懞董>,<老懞太>, 同埋<建華之亂>都好好笑架嘛~點知...

比較值得一提的是我買了一本恐龍書同埋一本博物館書,都算叫做有返d收獲~

上面呢本恐龍大圖鑑係今次書展我最滿意既收獲,好多有關既知識同介紹,好正!!

而下面果本都ok好睇,介紹既主要係美術方面既博物館,五大洲齊,做參考幾有用~

行行下去到簡體果邊,幾乎每一檔都係賣緊圖說天下系列,20元一本,50元三本,

我只係對二戰既德國有興趣,所以我只係買左下面呢一本,但圖多字少,資料唔多~

公貓在page one買左一本好靚好大好重,講宮殿既書,但唔夠二百蚊就無書籤送,

所以臨走前行左好耐搵多本書湊夠二百元,行到我腳都軟埋,另外果本都係畫畫書~

跟住會合返朋友K君就一齊去lu,佢都有幾本收獲~

坐船過返尖沙嘴一齊食完飯就返屋企,老實講收獲真係唔多,得4本,

但係同朋友行下街買下書食下野就過一日又幾開心既~