近況如何呀!

不經不覺又到十一月喇，人老咗，時間好似好快咁，我其實仲有好多嘢未買未試，依家好想快啲做多啲想做但係未做嘅嘢，唔好成日浪費晒啲時間，但係啲細路仲細，仲有好多時間表要行，好不願意咁，祗好將自己啲嘢，又放喺一邊，等佢地大啲，我一定好好利用我自己嘅時間。

偷得浮生，才可以做這個兩個星期前已經訂咗嘅黑森林蛋糕。

又係試咗幾個食譜，都係做唔到好似啲Cake Mix盒上個啲又黑又有光澤嗰個蛋底，祗好用雪芳蛋糕，然後加重料喺啲忌廉喥，用足靚朱古力做好個忌廉，又試吓用啲朱古力做啲Decoration。就成為咁咖啦，因為佢喺Halloween慶祝，所以好似做得有啲Spooky，不過我地啲料唔係好似香港咁齊，又無朱古力嘅堂可以學，所以都係要喺實習中學習。



另外，哩排做得最多嘅，就係哩個白麵包，個皮脆脆地，好有法包Feel, 妹妹都話好好食，而且可以包啲濃味嘅餡，洋蔥咸牛肉，炸菜肉未等，連ＥＴ仔都食多一兩個。



新買咗個細啲嘅焗爐，代替壞咗嘅多士焗爐仔，哩個大小小，而且包咗塊焗爐石，其實佢兩邊都有塊石咖，可以焗出好味嘅脆底法包同Pizza，尺碼剛好焗八個朱仔包size，以後唔洗成日開大爐，可以慳返啲電，而且新爐好快熱，做Mousse蛋糕個底，同小小Macaroon,y就最方便喇！