第28週~余小B收到好多手信呀!^.^

因為下星期日係叔仔結婚o既大日子,所以老公o既兩個家姐,都o係新加坡同美國返o左o黎,好熱鬧呀!!!今晚一家人去完拜山,就一齊食飯,行o左一陣街,之後就返樂富屋企。因為大芝家姐同細芝家姐都話有手信俾余小B,等老公一齊幫手拎!嘻嘻!!

佢o地一開喼,嘩!!!!果然係好多o野呀!!首先睇o下大芝家姐o既手信先啦!

呢條咁靚o既裙仔,係余小Bo既出生禮物:

仲有呢六包o既衫、褲、鞋、襪,全部都係余小B個表姐,即係我外甥女~Ondrea唔o岩著o既,而家pass 俾我o地,真係多到唔駛買衫呀!哈哈!!

呢個袋唔係一般o既袋,係媽媽奶粉袋,大芝家姐只係用過幾次,好新,仲連埋一塊換片墊。

除o左以上咁多o野,仲有兩包棉花球,呢兩包係我之前o係護協買過新加坡俾佢o地,而家用唔哂,又pass返俾我o地,最後仲有一盒乳墊,又係家姐用唔哂,俾我o既,仲係全新未開o架!有咁多o野,又慳返唔駛買咁多啦!

到細芝家姐o既手信~全部都係好靚o既名牌衫:

有Puma:

Polo Ralph Lauren:

同埋Carter's:

余小B: 好多謝兩位姑媽o既手信呀!好靚呀!!我好鍾意呀!!I Love you !!!